रास्वपा हेटौंडा नगर सभापतिमा धुर्व बहादुर बिष्ट

राष्ट्रिय स्वतन्त्र पार्टी हेटौंडा नगर सभापतिमा पुन: ध्रुवबहादुर विष्ट चयन भएका छन् । 
शनिबार भएको नगर सम्मेलनबाट विष्टको नेतृत्वमा नयाँ कार्यसमिति सर्वसम्मत चयन भएको हो । 
नगर समितिको उपसभापतिमा सपना कँडेल, सचिवमा प्रेम प्रसाद लामिछाने र कोषाध्यक्षमा सम्झना पुडासैनी रहेका छन् । सदस्यहरुमा सन्तोषी बर्तौला, राम प्रसाद न्यौपाने, हरिबहादुर कुँवर, मञ्जु धमला, बिष्णु सुनार, रामबिक्रम थापा र बिनोद पौडेल रहेका छन् । त्यस्तै, नगर सल्लाकारमा दामोदर दाहाल, बिष्णुलाल महर्जन, उद्धब पराजुली, महेन्द्र श्रेष्ठ चयन भएका छन् ।
नगर सभापति ध्रुवबहादुर विष्टको सभाध्यक्षतामा भएको कार्यक्रममा केन्द्रीय सदस्य रामकृष्ण भट्टराई, विन्दबासिनी कंसाकार, प्रदेश सभापति डा. अच्युतम लामिछाने, प्रदेश उपसभापति दिनेश हुमागाई, प्रदेश महामन्त्री गिता बराल, बागमती प्रदेश प्रवक्ता उत्सव अर्याल, मकवानपुर संयोजक भरत पराजुली, पूर्व प्रदेश कोषाध्यक्ष टाकाराज थापा, निवर्तमान जिल्ला उपसंयोजक निराजन वर्तौला,  निवर्तमान जिल्ला सदस्य नवराज पौडेल लगायतले मन्तव्य व्यक्त गरेका थिए ।
कार्यक्रममा केन्द्र, प्रदेश, जिल्ला, नगर र गाउँपालिकाका नेता एवं कार्यकर्ताहरूको उपस्थिति रहेको थियो ।