रास्वपा थाहा–२ को प्रथम वडा अधिवेशन सम्पन्न, दिपेन्द्र घिमिरे सभापतिमा चयन

मकवानपुर, थाहा । राष्ट्रिय स्वतन्त्र पार्टी (रास्वपा) थाहा नगरपालिका वडा नं. २ को प्रथम वडा अधिवेशन भव्य रूपमा सम्पन्न भएको छ। नगर सभापति जयराम के.सी.को सभापतित्वमा सम्पन्न अधिवेशनले नयाँ वडा कार्यसमिति चयन गरेको हो।
अधिवेशनबाट दिपेन्द्र घिमिरे वडा सभापतिमा चयन भएका छन्। त्यसैगरी उपसभापतिमा संगम बस्नेत र सचिवमा विजेन्द्र थापा चयन भएका छन्।
नवनिर्वाचित सदस्यहरूमा नातिकाजी आले मगर, मेनुका थापा, प्रमिला कार्की, विजया लामा, भुपाल कुमार लामा, सञ्जीव श्रेष्ठ तथा मनोज थापा रहेका छन्।
त्यस्तै, प्रमुख सल्लाहकारमा विकेश बाबु बस्नेत चयन भएका छन् भने सल्लाहकारहरूमा कान्छाराम स्याङतान र सुसान्त लो रहेका छन्।
अधिवेशनमा पार्टीका स्थानीय नेता तथा कार्यकर्ताहरूको उल्लेखनीय सहभागिता रहेको थियो। कार्यक्रममा वक्ताहरूले संगठन विस्तार, जनताको मुद्दालाई प्राथमिकतामा राख्दै वडा स्तरबाटै सक्रिय रूपमा काम गर्ने प्रतिबद्धता व्यक्त गरेका थिए।