रास्वपामा शुद्धिकरणको आवश्यकता भैसकेको छ:- महामन्त्री ढकाल

राष्ट्रिय स्वतन्त्र पार्टीका महामन्त्री मुकुल ढकालले पार्टीमा शुद्धिकरणको आवश्यकता महसुस भैसकेको बताएका छन।
७ जेठमा थाहा नगरपालिकामा भएको कार्यकर्ता भेटघाट तथा अन्तरक्रिया कार्यक्रममा महामन्त्री ढकालले उक्त कुरा बताएका हुन।ढकालले थाहा नगरमा पार्टी स्थापना भएपछि संगठन बिस्तार हुन नसकेको प्रसंग निकाल्दै पुराना दल काङ्ग्रेस,एमाले,माओवादीमा  रहेर दिक्क भैसकेका हरुले रोज्ने पार्टी रास्वपा भएको बताउदै उनिहरुको त्याग लाई पनि भुल्न नहुने बताउदै पार्टीमा राम्रो लाई मात्र छान्ने कि,छानेर राम्रो रोज्ने?भन्ने बिषय प्रवेश गरेको बताउदै पार्टीलाई व्यवस्थित गर्नको लागि तल्लो तह सम्मको पार्टी कार्यकर्ताको सुझाव संकलन गर्ने कार्य भैरहेको बताए।
रास्वपा थाहा नगर सभापति जयराम खत्रीको उपस्तिथिमा होटल फ्यामली पेट्रोल पम्प चोकमा भएको कार्यक्रममा पार्टी सदस्यहरुले आफ्नो पार्टी सरकारमा हुँदा समेत थाहा नगरपालिकाको समस्या सम्बोधन नभएकोले संगठन बिस्तारमा समस्या रहेको औल्याउँदै पार्टी सभापति रवि लामिछानेको कारणले पार्टी प्रतिको जनबिश्वास गुम्दै गैरहेकोमा नेतृत्वलाई सचेत गराएका थिए।
भेटघाट तथा अन्तरक्रिया उपलब्धि मुलक रहेको र आगामी दिनमा थाहा नगरपालिका भित्र रास्वपा कसरी अगाडि बढ्ने भन्ने बिषय र थाहा नगरपालिकाको बिकासको लागि समसामयिक बिषयमा पार्टी केन्द्रिय समितिमा धारणा पठाइएको रास्वपाको र्‍यापिड एक्सन टिम (र्‍याट)का बागमती प्रदेश सदस्य राजकुमार कार्कीले जानकारी दिए।

भेटघाट कार्यक्रममा रास्वपा थाहा नगरकमिटी सदस्य तथा पदाधिकारीहरुको उपस्थिति रहेको थियो।