बागमतीमा छिन्तुको घरदैलो अभियान "विकास र परिवर्तन हेर्न बागमती जाउ" : छिन्तु

बागमती / आशन्न निर्वाचनमा बाम-लोकतान्त्रिक गठबन्धनका तर्फबाट मकवानपुर जिल्ला प्रतिनिधि सभा क्षेत्र नम्बर १ को प्रदेश सभा १ का उम्मेदवार प्रेमबहादुर पुलामी छिन्तुले न्याय हराए गोर्खा जानु भन्ने भनाई स्मरण गर्दै विकास हेर्न मन लागे बागमती गाउँ पालिका आउनुपर्ने बताउनुभएको छ । बागमती गाउँ पालिका वडा नम्बर ६ र ७ मा आयोजित वडा स्तरिय चुनावी कार्यक्रमलाई सम्बोधन गर्दै प्रदेश सभा सदस्य समेत रहनुभएका पुलामिले बागमती गाउँ पालिकाको विकासमा आफ्नो भुमिका प्रष्टाउदै बागमती गाउँ पालिकामा नमुना विकास भएको बताउनुभयो । प्रदेश सरकार र स्थानीय सरकारले बागमती गाउँ पालिकाको मुहार फेरेको उहाले दावी गर्नुभयो । उहाले नेपाली राजनीतिमा गर्विलो ईतिहास भएको बागमती गाउँ पालिकाको इतिहास कायम गर्न आम नागरिकलाई अपिल पनि गर्नुभयो । पुलामीले भन्नुभयो : हिजो व्यवस्था बदल्न गठबन्धन गरेउ अब अवस्था बदल्नु छ । उम्मेदवार पुलामीले जनतासङ्ग गरेको वाचा पूरा गर्ने बताउनुभयो । बागमतीको विकास अझै बाकी रहेको बताउदै पुलामीले स्थानीय जनताको आवश्यकता र मागको आधारमा विकासका योजना ल्याईने प्रतिबद्धता व्यक्त गर्नुभयो । म यै गाउको हु उम्मेदवार पुलामिले भन्नुभयो मलाई आफ्नो परिवारको सदस्य मान्नुस । जनताको हरेक सुखदुःखमा आफू सधै सङ्गै रहेको उहाले प्रष्ट पार्नुभयो । नेकपा माओवादी केन्द्रको बागमती प्रदेश उपाध्यक्ष समेत रहनु भएका उम्मेदवार पुलामिले प्रतिगमन ढाल्नको निम्ति गठबन्धनको आवश्यकता भएको बताउनुभएको छ । उहाले हिजो राजतन्त्र ढाल्न र आज प्रतिगमनलाई परास्त गर्न गठबन्धन गरिएको प्रष्ट पार्नुभयो । सघमा महालक्ष्मी उपाध्याय डिनालाई रुख चिन्हमा मतदान गर्न र प्रदेशमा गोलाकार भित्रको हसिया हथौड़ामा मतदान गरि गठबन्धनका उम्मेदवारलाई बिजयी गराउन अपिल गर्नुभयो । कार्यक्रममा नेपाली काग्रेस मकवानपुरका जिल्ला सदस्य डम्बरबहादुर बिकले गठबन्धनका उम्मेदवारहरुलाई जिताउन र प्रतिगमनलाई हराउन आग्रह गर्नुभयो । घरदैलो अभियान तथा चुनावी कार्यक्रम अन्तर्गत आज बागमती गाउँ पालिका वडा नम्बर-६ कयरखोलामा भेटघाट तथा अन्तरक्रिया गरिएको थियो भने बागमती गाउँ पालिका वडा नम्बर-७ बाख्रेमा वडा स्तरिय चुनावी कार्यक्रम गरिएको थियो । कार्यक्रममा चुनावी अभियान वडा नम्बर-७ का संयोजक डिल्लिप्रसाद घोरासैनी को अध्यक्षतामा भएको कार्यक्रममा बकैया गाउँ पालिका वडा नम्बर-८ का अध्यक्ष विश्वास माझी, थाहा नगरपालिका वडा नम्बर-३ का वडा अध्यक्ष हिरेन्द्र रायमाझी, प्रेस सेन्टर नेपालका केन्द्रीय सदस्य ध्रुवराज ढकाल, राज सापकोटा, बागमती गाउँ पालिका वडा नम्बर-७ का अध्यक्ष उत्तरबहादुर भोलन अखिल क्रान्तिकारी बागमती प्रदेश कमिटी सचीव रामकृष्ण शिवाकोटी लगायतकाको सहभागिता रहेको थियो । चुनावी अन्तर्गत भोलि २२ हेटौंडा उपमहानगरपालिका वडा नम्बर १६, १७ र १८ का घरदैलो कार्यक्रम, २४ गते बागमती गाउँ पालिका वडा नम्बर-९ बेतिनिमा सभा तथा चुनावी अभियान गरिने नेकपा माओवादी केन्द्र बागमती प्रदेश कमिटी सदस्य जीवन गोलेले जानकारी दिनुभयो ।