बन्दका कारण उत्तरी मकवानपुर ठप्प 

प्रधानमन्त्रीको असंबैधानिक कदमको विरोधमा नेपाल कम्यूनष्टि पार्टी नेकपा ले आह्वान गरेको बन्दका कारण आज देश भरको जनजिवन अस्त व्यस्त बनेको छ । 
प्रधानमन्त्रीले हिजो संबैधानिक निकायमा असंबैधानिक तवरले नियुक्ती गरेपछि नेपाल कम्यूनष्टि पार्टी नेकपा ले आज आम हडतालको घोषणा गरेको थियो । 
बन्दका कारण उत्तरी मकवानपुरमा पनि जनजिवन प्रभावित भएको छ । बन्दका कारण छोटो तथा लामो दुरीका सवारी साधन चलेनन् भने उद्योग कलकाराखाना बन्द भएका छन् । बन्दका कारण त्रिभुवन राजपथ दिन भर सुन सान थियो । 
थाहा नगर भित्र छिटपुट अटो तथा मोटरसाईकल चले पनि बन्द आह्वानकर्ताहरुले ठाँउ ठाँउमा अवरोध गरेका थिए । 
उत्तरी मकवानपुरका शिक्षण संस्था बन्द भए भने सबै बजार पनि दिन भर भएका थिए । 
थाहा नगरपालिकाका शिखरकोट ओखरबजार थानाबजार सहित बज्रबाराही बजार दिन भर ठप्प थियो । 
बन्द आह्वानकर्ताले ठाँउ ठाँउमा टायर बलेर सरकारका विरोधमा  नारा बाजी सेमत गरेका थिए । 
थाहा नगरमा आकस्मिक सेवाका सवारी साधन निर्बाध रुपमा संचालन हुन दिएको र बन्दमा कुनै अप्रिय घटना हुन नदिएको नेपाल कम्यूनष्टि पार्टी नेकपाका थाहा नगर अध्यक्ष अरुण रायमाझीले बताउनु भयो । 
यस्तै बन्दका काराण ईन्द्रसरोवर गाँउपालिका र कैलाश गाँउपालिकामा पनि प्रभाव परेको हाम्रा सहकर्मीले बताएका छन् ।