प्रतिनिधि सभामा सम्भवत: सबैभन्दा “कान्छो” “माननीय” हुँदै प्रशान्त उप्रेती'

मकवानपुर निर्वाचन क्षेत्र नं २ बाट उम्मेदवारी दिएका राष्ट्रिय स्वतन्त्र पार्टीका उम्मेदवार प्रशान्त उप्रेती सम्भवत: प्रतिनिधि सभा सदस्यको रूपमा इतिहासमै पहिलोपटक “कान्छो” “मानननीय”को रूपमा संसद छिर्दैछन् ।
केवल २५ वर्षका उप्रेतीले मकवानपुर निर्वाचन क्षेत्र नम्बर २ मा ३० हजार ५० मत ल्याएर एमालेका युवा नेता तथा त्यस क्षेत्रका प्रभावशाली व्यक्ति महेश बर्तौला तथा नेपाली कम्युनिस्ट पार्टीका उम्मेदवार एवम् थाहा नगरपालिकाका पूर्व मेयर लवशेर विष्ट जस्ता पात्रलाई पराजित गर्दै संसदको यात्रा तय गरेका छन् ।
मकवानपुर क्षेत्र नं २ बाट निर्वाचित भए लगत्तै आफै पनि जेन-जी रहेका उप्रेतीले जेन-जी आन्दोलन मार्फत प्रतिबिम्बित नयाँ पुस्ताको आकांक्षाहरूलाई सदनमा उठाउने र नीतिगत भ्रष्टाचारको विरुद्ध सुशासन कायम गर्ने राजनीतिक लक्ष्य रहेकोे बताएका छन् ।
मकवानपुर क्षेत्र नं २ मा राजनीतिक दलका १६ र स्वतन्त्र ५ गरि कुल २१ जना उम्मेदवारले उम्मेदवारी दिएका थिए । यस निर्वाचन क्षेत्रमा कुल १ लाख ५६ हजार ८ सय ९९ जना मतदाता रहेका छन् ।