पालुङ प्रहरी प्रमुख अर्यालको स्वागत,थापाको विदाई

थाहा नगरपालिका स्थित ईलाका प्रहरी कार्यालय पालुङका प्रहरी निरीक्षक श्याम थापा मगरलाई विदाइ तथा नयाँ प्रमुखको रुपमा आएका इन्सपेक्टर सविन बाबू अर्याललाई स्वागत गरिएको छ।
२६ भाद्रमा थाहा नगरपालिकाले एक कार्यक्रमको आयोजना गरि थापालाई विदाइ तथा अर्याललाई स्वागत गरेको हो।
कार्यक्रममा नगर प्रमुख बिष्टले बिदाई हुँदै गरेका निरीक्षक मगरको  सहकार्य र समन्वय र उनले पुर्याएको योगदानको बिष्टले कदर गर्दै आगामी दिनको सफलताको शुभकामना दिए।
सो अवसरमा नयाँ आएका प्रहरी निरीक्षक अर्याललाई स्वागत गर्दै ईलाका प्रहरी कार्यालय संग सहकार्य र साथ सहयोगबाट नगर भित्र शान्ती सुरक्षा कायम राख्न मद्दत पुग्ने धारणा राखेका थिए।
कार्यक्रममा थाहा नगरका प्रमुख प्रशासकीय अधिकृत कृष्ण गिरी,काङ्ग्रेस थाहा नगर सभापति प्रमोदकृष्ण जोशी,एमाले नगर अध्यक्ष सुरेन्द्रमान प्रधान,पालुङ जेसीजका अध्यक्ष निरज रायमाझी,वडा न ६ का अध्यक्ष राजनभक्त श्रेष्ठ,नगरपालिकाका कर्मचारीहरुको उपस्थिति रहेको थियो।
कार्यक्रमको अवसरमा पालिकाले मायाको चिनो प्रदान गरेको थियो।
थापाको इलाका प्रहरी कार्यालय पालुङमा आएको करिब १ वर्ष १७ दिनमा १७ भाद्रमा सरुवा भएको हो । उनी २०८० साउन ३० गते इलाका प्रहरी कार्यालय पालुङमा प्रहरी वृत्त बानेश्वर अपराध नियन्त्रण शाखाबाट सरुवा भई आएका थिए ।
थापा काठमाण्डौं उपत्यका अपराध अनुसन्धान कार्यालय पिलर १ हत्या, राज्य विरुद्धको अपराध, मानव बेचविखन, लागू औषध कार्यालयमा सरुवा भएका हुन् ।
प्रहरी निरीक्षक सविन बाबु अर्याल नेपाल प्रहरी युक्ति तालिम महाविद्यालय विपद व्यवस्थापन जर्गाह पश्चिम नवलपरासीबाट सरुवा भई आएका हुन् । उनको पनि १७ भाद्रमै सरुवा भएको हो ।