थाहा ३ का महिलाहरुले गाँजा र अल्लो बाट कपडा बनाउन सिक्दै,

थाहा नगरपालिका वडा न ३ का २० महिला सहभागी हेम्प(गाँजा) को र अल्लोको कपडा बनाउने तालिम थाहाको बिकास घरमा सुरु भएको छ । बागमती प्रदेश सरकार,सामाजिक विकास मन्त्रालय अन्तर्गत प्रदेश युवा परिषदको आर्थिक सहयोगमा घाइते अपाङ्ग योद्धा संघ मकवानपुरको आयोजना तथा थाहा नगरपालिका वडा न ३ को सहकार्यमा निशुल्क १ सय ६० घण्टे सीपमूलक कार्यक्रम अन्तर्गत हेम्प तथा अल्लोबाट कपडा तथा अन्य सामाग्री निर्माण तालिम सुरु भएको हो। २०दिन सम्म संचालन हुने अल्लोको कपडा,तथा गाँजाको कपडा तथा अन्य सामान बनाउने तालिम सुरु भएको हो । घाइते अपाङ्ग योद्दा संघ मकवानपुरको  आयोजनमा सञ्चालन भएको तालिमको उद्घाटन जिल्ला समन्वय समिती मकवानपुरका प्रमुख ललित घलानले गरेका थिए । उद्घाटन कार्यक्रमलाई सम्बोधन गदै प्रमुख घलानले नगरमै अल्लोको कपडा बनाएर जिल्लाबाहिर बिक्री गर्नुपर्ने बताए । उनले तालिममा सहभागीलाई तालिमपछि उद्यमी बन्नसमेत अनुरोध गरे ।उनले गाजाबाट औषधि मात्र नभई कागज, तेल, कपडा, डाइपर, झोला, जुत्ता र फेब्रिसहरु र घर बनाउन समेत गाजाको प्रयोग हुदै आएको र नेपाल जस्तो अल्पविकसित राष्ट्रमा गाँजालाई प्रतिबन्ध होइन गाँजाको उपयोग गरेर बेरोजगार मेट्ने काममा लाग्नुपर्ने समय आएको बताउनुभयो।
घाइते,अपाङ्ग योद्धा संघ मकवानपुरका अध्यक्ष कृष्ण घिमिरेको अध्यक्षतामा सम्पन्न तालिम उद्घाटन समारोहमा थाहा ३ का वडा अध्यक्ष हिरेन्द्र रायमाझी,नेकपा माओवादी केन्द्र जिल्ला संयोजक भिम पाख्रीन,नगर अध्यक्ष विनोद कुमार लामा,प्रशिक्षक खड्क सिंह बोगटी,मदन ढकालले शुभकामना व्यक्त गरेका थिए।