थाहाका ३० जना महिलाहरुको लागि सीप परिक्षण सुरु

उद्योग वाणिज्य भुमी तथा प्रशासन मन्त्रालय अन्तर्गत उद्योग वाणिज्य तथा उपभोक्ता हित संरक्षण निर्देशनालय हेटौंडाको आयोजना तथा नेपाल उद्योग वाणिज्य महासंघ बागमती प्रदेशको संयोजनमा थाहा नगरपालिकामा उद्योगको लागि चाहिने दक्ष जनशक्ति उत्पादनको लागि सीप परिक्षण कार्यक्रम सुरु भएको छ।
थाहा नगर उद्योग वाणिज्य संघको सभाहलमा थाहा नगरपालिका भित्र सिलाइ बुनाइ तालिम लिएका ३० जना महिला हरुको लागि सीप परिक्षण सुरु गरिएको केन्द्राध्यक्ष तथा उद्योग वाणिज्य महासंघ बागमती प्रदेशका कोषाध्यक्ष कविराज खत्रीले जानकारी दिए।
सीप सिकेका तर प्रमाणपत्र नभएकाहरुको लागि उद्योग वाणिज्य संघ बागमती प्रदेशको समन्वयमा सीप परिक्षण सहित उत्कृष्ट १५ जना लाई प्रविधी हस्तान्तरण गरिने निरीक्षक तथा उद्योग वाणिज्य महासंघ बागमती प्रदेशका निर्देशक विवेक मानन्धरले बताउनुभयो।
मानन्धरका अनुसार उत्कृष्ट १५ परिक्षार्थी हरुको निम्ति एक जना बराबर ४५ हजारको सामानहरु कल,ओपनलक मेसिन,आइरन,आइरन बोर्ड,कैँची,टेप लगायत अन्य आवश्यक सामाग्री प्रदान गरिने छ।
१०-१० जना राखेर तीन सिफ्टमा परिक्षा चलिरहेको सिटिभिटीका मेनेजर रत्नकाजी गोपालीले जानकारी दिए।उनका अनुसार ५ घण्टाको सीप परिक्षण सैद्धान्तिक तथा प्र्याक्टिकल दुबै हुने छ।
परिक्षा लाई सिटिभिटिका मूल्याकंनकर्ता कामना अधिकारीले मुल्यांकन गर्ने छन।