गहना बनाउन सिकियो अब ब्याबसायिक बन्छौ:-सहभागी

बिध्यालय जान छाडेका थाहा नगरपालिकाका २४ जना किशोरीलाई गत जेठ् १६ गतेदेखि संचालित एक हप्ते कृस्टलको गहना बनाउने तालिम आज समापन भएको छ।
आज बिकास घर शिखरकोटमा सम्पन्न कार्यक्रम थाहा नगरपालिका महिला,बालबालिका ,जेष्ठ नागरिक तथा अपांग परिचय बितरण शाखाले आयोजना गरेको हो।
तालिम नेपालकै ख्यातिप्राप्त सिपबिकास केन्द्र काठमाडौ तथा श्रीजनशिल कृस्टल हस्तकला उद्योगकि संचालक कमला सुवेदीले प्रशिक्षण दिरहनुभएको तालिम समापन समारोहमा आफ्नो मन्तब्य राख्दै प्रशिक्षक सुवेदीले रुप राजा ,सीप कमारो भन्ने जवाना अहिले नरहेको अहिले सीप राजा,रुप कमारो हुने हुदा सिकेको सिपलाइ खेर नफाल्न आग्रह  गर्दै आफुले सिकेको सीप हस्तान्तरण गर्दा खुसी लाग्ने बताउदै प्रमाणपत्र सिरानी हालेर नसुत्न आग्रह गर्दै सिकेको सीप ब्याबसायिक नभए सुतेको सरह हुने हुदा ब्याबसायिक हुन आग्रह गर्दै कृस्टलको मात्र नभएर स्थानिय रुपमा पाइने अल्लो,सिस्नो ,भाङ्ग लगायतका लाई उपयोग गर्न ,गराउन स्थानिय सरकारलाई आग्रह तथा हाम्रो होइन राम्रो लाई उद्यमबिकास तालिम दिन आग्रह गर्नुभयो ।
तालिममा सहभागी मध्य मेनुका दुरेलीले नगरपालिकाले दियको सिपलाइ ब्यबहारमा उतार्ने प्रतिबद्धता ब्यक्त गर्दै आगामी दिनमा एडभान्स कोर्सको समेत अपेक्षा रहेको बताइन ।
तालिमपछि निरन्तरताको आसगर्दै नगरमा कोशेली घर छिट्टै संचालन हुन लागेको हुदा किशोरीहरुले उत्पादन गरेको सामाग्री नगरपालिकाले नै किनिदिने तथा तालिमपछि किशोरिहरुले आफ्नो सीप ब्यबहारमा उतारेको छ कि छैन भनेर वडा कार्यालय मार्फत निरन्तर अनुगमन गरिरहने तालिम संयोजक प्रतिमा मोक्तानले बताउनुभयो।
वडा न ४ का अध्यक्ष नारायण लामाको प्रमुख आतिथ्यता तथा सामाजिक बिकास सदस्य पबित्रा कार्कीको अध्यक्षता मा सम्पन्न समापन कार्यक्रममा महिला उद्यमि कल्पना बलामी थाहा नगरपालिका रोजगार संयोजक कुमार नेगि ,पुर्व कार्यपालिका सदस्य जानुका ढकाल लगायतकाले सहभागी हरुलाइ शुभकामना दियका थिय।कार्यक्रममा ब्यबसाय सुरु गर्न टेवा रकम को साटो कृष्टलको गहना बनाउने सामान सहभागीहरुलाई प्रदान गरियको थियो भने सोही अवसरमा प्रमाणपत्र समेत प्रदान गरियको थियो।
सहभागिहरुले निर्माण गरेको हस्तकला सामाग्रीको समेत प्रदर्शन गरियको कार्यक्रममा अतिथिहरुलाइ सहभागीले नै बनाएका हस्तकला सामान मायाको चिनोको रुपमा प्रदान गरिएको थियो।