एमालेका प्रदेश कमिटी सदस्य राजु धामी सहित २५० जना माओवादी केन्द्रमा प्रवेश

रौतहट ÷नेकपा एमालेका मधेश प्रदेश कमिटी सदस्य राजु धामी दलवल सहित नेकपा माओवादी केन्द्रमा प्रवेश गर्नुभएको छ । आईतबार चन्द्रनिगाहपुरमा आयोजित पार्टी प्रवेश कार्यक्रममा धामी सहित जिल्ला कमिटी सदस्य सरस्वती खुलाल, नगर कमिटी सदस्य भुवनेश्वर गुरो,पार्वती कार्की र नेपाली कांग्रेसबाट चन्द्रपुर वडा नं. ३ का वडा अध्यक्ष प्रत्यासी एवम क्षेत्रिय प्रतिनिधी सन्तलाल पाख्रिन लगायत २५० जना भन्दा बढी नेकपा माओवादी केन्द्रमा प्रवेश गरेका हुन् । नेपाली कांग्रेस, नेकपा एमाले,जसपा लगायत विभिन्न पार्टी परित्याग गरी नेकपा माओवादी केन्द्रमा प्रवेश गरेको नेकपा माओवादी केन्द्र चन्द्रपुर नगर कमिटीका उपाध्यक्ष चेत बोलखेले जानकारी दिनुभएको छ । नेकपा माओवादी केन्द्रका केन्द्रीय सचिव तथा मधेश प्रदेश इन्चार्ज लिलामणि पोखरेलले पार्टी प्रवेश गराउनुभएको हो । सो कार्यक्रममा बोल्दै सचिव पोखरेलले २०८४ मा मधेसमा ने.क.पा. (माओवादी केन्द्र) पहिलो पार्टी बन्ने दावी गर्नुभएको छ । जनतासंग माओवादी –विशेष रुपान्तरण अभियान संञ्चालनमा रहेको उल्लेख गर्दै मधेश प्रदेशमा पाटी प्रवेश गर्नेको संख्या बढेको उहाले बताउनुभयो । पछिल्लो समयमा विभिन्न पाटीमा रहेका नेता तथा कार्यर्तामा असन्तुष्टी बढ्दै गएको र माओवादी केन्द्र प्रति आर्कषित भएको उहाको भनाई छ । सरकारले गरेका सुशासन, समृद्धि र सामाजिक न्यायको क्षेत्रमा गरेका कामहरुको बारेमा माओवादीले यतिखेर घरदैलो अभियान गरेको उहाले जानकारी दिनुभयो । माओवादी जनताकै बीचमा रहेको भन्दे नागरिकका गुनासा, आलोचना सुन्ने र शहिद तथा बेपत्ता परिवार भेट्न उहाले नेता तथा कार्यकर्तालाई निर्देशन पनि दिनुभयो । पार्टीलाई “जवान” बनाउने उद्देश्य सहित पालिकादेखि वडातहै सम्म माओवादी “गाउ“ फर्क अभियान” मा केन्द्रीत रहेको नेता पोखरेलले बताउनुभयो । कार्यक्रममा पार्टीको ३ महिने अभियानका रौतहट इन्चार्ज क्षेत्र बहादुर श्रेष्ठ(अनिल)ले पार्टीका नेता र कार्यकर्ता तथा जनतासंगको दुरी लम्बिएका कारण यसलाई छोट्याउने तथा जनतासंगै रहने अवस्था श्रृजना गर्नका लागि पार्टीले अभियानको थालनी गरेको बताउनुभयो । पार्टी प्रवेश गरेका युवा नेता राजु धामीले विगतका भएका कमी कमजोरीलाई सच्याउदै पार्टीलाई जिल्लामै पहिलो पार्टी बनाउने काममा सवै मिलेर लाग्नुपर्ने बताउनुभयो । उहाले अव पार्टी सृदृढिकरण गर्न तथा जनतासंग प्रत्यक्षरुपमा जोडिनका लागि सवै नेतृत्वसंग आग्रह गर्नुभयो । सो कार्यक्रममा नेकपा माओवादी केन्द्रको तिने महिने अभियान रौतहटका संयोजक क्षेत्र वहादुर श्रेष्ठ, पार्टीका नेता देवेन्द्र पटेल, देवकी नेपाल,धिरज पटेल,विन्देश्वर यादव, टिका आचार्य, चेत प्रसाद बोलखे,गणेश राउत,गौतम खड्का, वडा नं. २ का वडा अध्यक्ष दुत्त बहादुर थिङ(बुद्ध), वडा नं. ३ का वडा अध्यक्ष बोधनाथ देवकोटा(रवि), वडा नं. ६ का वडा अध्यक्ष सहदेव केसी लगायतको उपस्थिती रहेको थियो । भदौ १६ गतेदेखि माओवादीले थालेको तीन महिने अभियान अन्तर्गत पार्टी प्रवेश, मतदातासंग भेटघाट, भेला,सरसफाई, जनचेतनामूलक सन्देश प्रवाह लगायतका काम भईरहेको नेकपा माओवादी केन्द्र रौतहटले जनाएको छ ।