अन्तिम समयमा थापाको साथ छाडेका दुई नेता “लिङ्देन क्याम्प”मा सफल,

थाहानगर । राष्ट्रिय प्रजातन्त्र पार्टीसँग अलग भएर २०६४ सालमा राप्रपा नेपाल स्थापना गर्दाको समयबाट कमल थापाको निकट रहेर काम गरेका दुईजना नेताहरु अन्तिम समयमा थापालाई छाडेर पार्टी अध्यक्ष राजेन्द्र लिङ्देन ‘क्याम्प’मा आएसँगै संसदीय राजनीतिमा सफलता हाँसिल गरेका छन् ।  थापालेका राप्रपा नेपालको स्थापना गरेर २०७० को संविधानसभामा २५ सिट प्राप्त गर्दा समेत उनको सबैभन्दा निकट रहेका मकवानपुरका दिपकबहादुर सिंह र काठमाण्डौँका भुवन पाठकले अवसर पाएका थिएनन् । तर अवसर नपाएपनि पाठक र सिंहले थापाको हरेक कदममा साथ दिए ।
थापा पटक–पटक मन्त्री हुँदा पनि कुनै राजनीतिक नियुक्ती नलिएका पाठक र सिंहले २०७८ बाट भने थापा क्याम्प छाडे । अर्थात राजेन्द्र लिङ्देनसँग अध्यक्षमा पराजित भएका थापाले पुनः राप्रपा नेपाललाई विउँझाए पनि उनकै प्यानलबाट महामन्त्री जितेका पाठक र सदस्य भएका सिंह भने मुल पार्टी अर्थात लिङेदेन नेतृत्वको राप्रपामानै रहे ।  यो पटक थापा छाडेका उनका निकट दुबै जना संसदीय राजनीतिमा प्रवेश गर्ने पहिलो अवसर प्राप्त गर्न सफल भएका छन् । संयोग के छ भने थापाको नेतृत्वमा रहेको समयमा दुबै नेता संसदीय राजनीतिमा सफल भएका थिएनन् तर लिङ्देन क्याम्पमा उनिहरुले सफलता प्राप्त गरे ।

पाठक सभामुख भए, सिंह मन्त्री या सचेतक बन्ने संभावना  थापा क्याम्प छाडेर लिङ्देनलाई साथ दिएका पाठक शुक्रबार बागमी प्रदेशको सभामुख निर्वाचित भएका छन् । संसदीय राजनीतिमा बागमती प्रदेशमा राप्रपाले पाएको सबैभन्दा उच्च तहको पद पाठकले प्राप्त गरे । अबको पाँच वर्ष बागमतीको सांसदको घरको चाबी पाठकको हातमा हुनेछ ।
थापाका अर्का निकट मकवानपुरका दिपकबहादुर सिंह पनि थापा छाडेपछि पहिलो पटक जननिर्वाचित प्रतिनिधि बने । मकवानपुर क्षेत्र नंबर १ बाट उनै थापा लाई पराजित गर्दै सांसद बनेका उनी केन्द्रीय मन्त्री या राप्रपाको प्रमुख सचेतक बन्ने संभावना रहेको बताईएको छ । थाहापाटी,