सहकारी संस्थाका सदस्यहरुका लागि वित्तीय साक्षरता सम्पन्न

पालुङ बहुउद्देश्यीय सहकारीहरुसँग आवद्ध सहकारीकर्मीहरु लगायत शेयर सदस्यहरुमा वित्तीय साक्षरताको ज्ञान सिप प्रदान गरी आर्थिक उन्नती गर्दै वित्तीय स्वतन्त्रता तर्फ शेयर सदस्यहरुलाई अग्रसर गराउने हेतुले पालुङ बहुउद्देश्यीयको आयोजनामा सहकारी संस्थाका बज्रवाराही सेवा केन्द्र अन्तर्गतका महिला समुहका पदाधिकारीहरु तथा सदस्यहरुका  लागि वित्तीय साक्षरता सम्बन्धी एक दिने  तालिम थाहा नगरको बज्रबाराहीमा सम्पन्न भएको छ।
वित्तीय साक्षरता तालिममा वित्तीय साक्षरताको परिचय, महत्व र आवश्यकता, वित्तीय योजना, आवश्यकता र चाहना, खर्चको वर्गीकरण  तथा अभिलेकिरण एवम विश्लेषण, पारिवारिक वजेट, बचत, ऋण तथा,बचत योजना, वित्तीय संस्थाको चिनारी एवम छनौट , उद्यमशिलता विकास र जोखिम तथा जोखिम न्यूनीकरणकाउपायहरु जस्ता विषयमा  सहजीकरण गरिएको तालिममा सहकारी संस्थाका कार्यसमितिका सदस्यहरु एवम वडा न ६,९ र १० भित्र रहेक आयआर्जन समुहका  महिला तथा पुरुष सदस्यहरुको उपस्थिती रहेको थियो ।

तालिमको उदघाटन संस्थाका अध्यक्ष कृष्ण बहादुर बिष्टको अध्यक्षता तथा संस्थाका पुर्व उपाध्यक्ष सानोभाइ कार्कीको  प्रमुख आतित्थ्यमा सम्पन्न भएको थियो ।
 उदघाटनमा संस्थाका उपाध्यक्ष अरुण रायमाझीले तालिमाको उद्धेश्य माथि प्रकाश पार्दै स्वगत मन्तव्य प्रदान गर्नु भएको थियो । प्रमुख अतिथी सानोभाइ कार्कीले आफ्नो मन्तव्य व्यक्त गर्दै सहकारीहरुले वित्तीय साक्षरताका विषयलाई गम्भिरता पूर्वक सिकी आफ्ना सदस्यमाँझ लैजानका लागि अनुरोध गनु भयो वहाँले तिन खम्वे अर्थनीति अन्तरगत  सहकारी क्षेत्र पनि एक भएको र ग्रामिण क्षेत्रमा सवै प्रकारका समुदायहरुको पहुँच सहकारीमा रहने हुनाले अर्थतन्त्रको विकास एवम विस्तार र सदस्यको आर्थिक सम्बृद्धिमा सहकारीको अहम भूमिका रहने विचार व्यक्त गर्नु भयो । 

संस्थाका सह व्यवस्थापक राम प्रसाद ढकालले सहजीकरण गरेको वित्तीय साक्षरता कार्यक्रमलाई संस्थाका सचिब नवराज बिष्टले संचालन गरेका थिए।
एक सय भन्दा बढी महिला सदस्यहरुको सहभागिता रहेको कार्यक्रममा संस्थाका कार्यसमिति सदस्यहरु,लेखा समिती संयोजक कालीचरण बस्नेत,व्यवस्थापक प्रकाश पौडेल,लेखा समिती सदस्यहरु नेकपा एमाले जिल्ला सदस्य हरी बहादुर गोपाली लगायतका संस्थाका कर्मचारीहरुको उपस्थिति रहेको थियो