शिखर बचतको १३ औं साधारणसभा सम्पन्न,संस्थाको कारोबार १० करोड

थाहा नगरको मुख्य बजार शिखरकोटमा कार्यालय रहेको शिखर बचत तथा ऋण सहकारी संस्थाको १३ औं वार्षिक साधारणसभा सनिवार सम्पन्न भएको छ । संस्थाका अध्यक्ष मनोज रायमाझीको सभापतित्वमा सम्पन्न साधारण सभामा थाहा नगरपालिकाका प्रमुख बिष्णु बिष्टको प्रमुख आतिथ्यता तथा च्वाइस नेपालका सामाजिक बिकास विशेषज्ञ कुल प्रसाद  तिवारीको बिशिस्ट आतिथ्यता रहेको साधारणसभा उद्घाटन कार्यक्रममा संस्थाका संस्थापक अध्यक्ष मधुसूदन बिष्ट,पालुङ बहुउद्देश्यीय सहकारीका अध्यक्ष कृष्ण बहादुर बिष्ट,भुमी आयोग मकवानपुरका सदस्य अरुण रायमाझी,फरक सोचका अध्यक्ष यादव रायमाझी,दामन चेली समाजका अध्यक्ष राधिका रायमाझी,जिल्ला बचत तथा ऋण सहाकारीका संचालक फणिन्द्र सुवेदी,पालुङ क्याम्पसका क्याम्पस प्रमुख राजन मिश्र,थाहा नगरपालिका रोजगार संयोजक कुमार नेगी,पाथिभरा बचतका भुपेन्द्र हमाल,लगायत बित्तीय संस्था तथा संघसंस्थाका प्रतिनिधिहरुको उपस्थिति रहेको थियो।
साधारण सभामा सञ्चालक समितिको तर्फबाट अध्यक्ष मनोज रायमाझी  तथा कोषाध्यक्ष निरज  रायमाझीले आर्थिक वर्ष २०८०/०८१ को अनुमानित आय व्यय तथा वार्षिक कार्यक्रम र लेखा समितिको तर्फबाट प्रतिवेदन प्रस्तुत गरिएको थियो । उक्त प्रतिवेदन उपर छलफल गरी साधारण सभाबाट पारित गरिएको छ । संस्थाका अध्यक्ष मनोज रायमाझीले अध्यक्षको प्रतिबेदन प्रस्तुत गर्दै संस्था थाहा नगरको केही उत्कृष्ट सहकारीहरु मध्यको सहकारी हुँदै  जानुले बिश्वास बढ्दै गएको बताउदै आगामी दिनमा राष्ट्रिय सहकारी बैंक मार्फतको कारोबार र च्वाइस नेपाल र शिखर बचतको सम्बन्ध लाई निरन्तरता दिदै सदस्य हितकोषको व्यवस्था गर्ने भावी रणनीति भएको उल्लेख गर्दै बचतमा आकर्षक योजना हरु ल्याइयको प्रतिबेदन प्रस्तुत गर्दै च्वाइस नेपाल संगको साझेदारीमा उत्कृष्ट कृषक तथा उद्यमी पुरस्कार,व्यावसायिक तालिम,टनेल बितरण ,रिवेट कार्यक्रम हरु गर्दै आइरहेको प्रतिबेदन प्रस्तुत गरे। तेसै गरि संस्थाका कोषाध्यक्ष निरज रायमाझीले आर्थिक वर्ष  मा संस्थाको सेयर पुँजी १ करोड ३८ लाख  बाट १ करोड ४२ लाख पुगेको आर्थिक प्रतिवेदन प्रस्तुत गर्दै ५ करोड ६९ लाख निक्षप संकलन गर्दै ६ करोड ४५ लाख रुपैया लगानी बाट २१ लाख ६९ हजार  मुनाफा गर्न सफल रहेको प्रतिवेदन प्रस्तुत गरे १४ सय  सदस्य संख्या रहेको संस्थाको वार्षिक कारोबार ९ करोड २० लाख पुगेको छ। साधारणसभाको अवसरमा शुभकामना दिदै प्रमुख अतिथी थाहा नगर प्रमुख बिष्णु बिष्टले उत्पादनसँग सदस्यलाई जोड्ने गरी आयातलाई प्रतिष्थापन गर्न सामाजिक उद्यमशीलताको क्षेत्रमा अगुवाई गर्न शिखर बचतलाइ लाई आग्रह गरे वहाँले सहकारी अभियानले छरिएर रहेको पुँजी, श्रम र सीपलाई एकीकृत गर्दै मुलुकको गरिबी न्यूनीकरण र समग्र आर्थिक तथा सामाजिक विकासमा महत्वपूर्ण योगदान पुऱ्याएको धारणा राख्नु भएको थियो । साधारणसभाको अवसरमा च्वाइस नेपाल र शिखर बचतको संयुक्त रूपमा उद्यमी व्यवसायी पुरस्कार बाट १० जना उत्कृष्ट कारोबार गर्ने सदस्यलाई सम्मानित गरियो सम्मानित हुनेमा प्रह्लाद बिष्ट,जितेन्द्र कुमार,विनय प्रसाद जैसवाल ,कपिल केसी,निकेश गोपाली,बिष्णु कार्की ,रामकाजी कार्की र कमला रायमाझी भय भने उत्कृष्ट समुहकर्ता सम्मान मधुकर विक्रम श्रेष्ठ र सीता केसी लाई प्रदान गरियो। उत्कृष्टलाई  प्रमुख अतिथी नगर प्रमुख बिष्टले नगद तथा सम्मानपत्र द्वारा सम्मानित गरे भने संस्थाले आफ्नो सामाजिक उत्तरदायित्व बहन अन्तर्गत एक जना लाई  छात्रवृत्ति प्रदान गरेको छ।
साधारणसभाको अवसरमा संस्थाका व्यवस्थापक सुमन बिष्टलाई उत्कृष्ट कर्मचारी द्वारा सम्मान गरिएको थियो।