मकवानपुरमा आयुर्वेदिक उपचारप्रति आकर्षण बढ्दो,,

मकवानपुर ।  जिल्लामा आयुर्वेदिक उपचारप्रति आकर्षण बढेको तथ्याङ्क सार्वजनिक भएको छ ।  हेटौंडा(२ स्थित जिल्ला आयुर्वेद स्वास्थ्य केन्द्रले पत्रकारहरुसँग अन्तरक्रिया गर्दै आयुर्वेदिक उपचारप्रति आकर्षण बढेको तथ्याङ्क सार्वजनिक गरेको हो । केन्द्रको प्रमुख एवं आयुरर्वेद डा। ललिता पाण्डेले केन्द्रमा गत आर्थिक वर्ष २०७८र७९ मा १५ हजार ३७४ जना सेवाग्राहीहरुले सेवा लिएको जानकारी दिइन् ।  उनका अनुसार आर्थिक वर्ष २०७७र७८ मा ११ हजार ६ सय जनाले स्वास्थ्य सेवा लिएका थिए भने आर्थिक वर्ष २०७६र७७ मा ८ हजार जनाले सेवा लिएका थिए । उनले पछिल्लो ३ वर्षको तथ्याङ्क अनुसार आयुर्वेदिक उपचारप्रति बिरामीहरुको चासो बढेको र सेवा प्रभावकारी भएको बताइन् । उनले केन्द्रमा विभिन्न किसिमको रोगहरुको उपचार र औषधि समेत वितरण हुँदै आएको बताइन् । उनले केन्द्रमा उपचार तथा परामर्श लिनेको संख्या बढ्दै गएको बताउँदै आयुर्वेदिक औषधीको प्रयोगमा जोड दिनुपर्ने बताइन् ।

यसैगरी कार्यक्रममा बोल्दै प्रमुख जिल्ला अधिकारी राजेन्द्रदेव पाण्डेले आयुर्वेद औषधीको महत्व र प्रयोग विधिबारे जनमानसमा स्पष्ट तरिकाले बुझाउनुपर्ने आवश्यक रहेको उल्लेख गरे । उनले कोरोना संक्रमणको जोखिम पुनः बढ्न सक्ने भन्दै आवश्यक स्वास्थ्य मापदण्ड पालन गर्न समेत जोड दिए ।  कार्यक्रममा स्वास्थ्य निर्देशनालय बागमती प्रदेशका निर्देशक महेश्वर श्रेष्ठले आयुरर्वेद औषधालयहरुलाई प्रभावकारी बनाउनका लागि बजेट समेत थप गरेर काम गरिदैँ आएको जानकारी दिए । कार्यक्रम जिल्ला आयुर्वेद स्वास्थ्य केन्द्र, मकवानपुरका व्यवस्थापन समितिका अध्यक्ष मधु बजगाई क्षेत्रीको अध्यक्षतामा भएको थियो ।

विसं २०३४ बाट मकवानपुरको हेटौंडामा सञ्चालनमा आएको केन्द्रले आफ्नै भवन निर्माण गरी हेटौंडा(२ मा व्यवस्थित रूपमा सञ्चालन गर्दै आएको छ । आयुर्वेदले हेटौंडासहित जिल्लाको बागमती, बकैया, मनहरी, राक्सिराङ, कैलाश गाउँपालिका र थाहा नगरपालिकामा सेवा दिइरहेको छ । आयुर्वेदले बहिरगं सेवा, योग परामर्श, पुर्वकर्म, पंचकर्म, फिजियोथेरापी, अकुपञ्चर, क्षारसुत्र सेवा र जेष्ठ नागरिक सेवा दिदैँ आएको छ ।

आयुर्वेदले निःशुल्क औषधी वितरण तथा सःशुल्क फार्मेसी समेत सञ्चालन गर्दै आएको छ । आयुर्वेदले जिल्लामा स्वास्थ्य शिक्षा, निःशुल्क आयुर्वेद स्वास्थ्य शिविर, स्वास्थ्य जीवनशैली र जनचेतनामूलक कार्यक्रम सञ्चालन गर्दै आएको जनाएको छ । थाहापाटि,