दिव्यतारा बहुउद्देश्यीय सहकारी संस्था थाहा सेवा केन्द्रको नाफा ४६ लाख

दिव्यतारा बहुउद्देश्यीय सहकारी संस्था लिमिटेडको थाहा सेवा केन्द्रको चौथो साधारणसभा सम्पन्न भएको छ। संस्थाको थाहा नगर सेवा केन्द्रको संयोजक भरत गोपालीको अध्यक्षतामा सम्पन्न साधारणसभामा थाहा नगर प्रमुख बिष्णु बिष्टको प्रमुख आतिथ्यता रहेको थियो ।

साधारणसभामा संचालक समितिका प्रतिनिधित्व गर्दै मुख्य कार्यालय हेटौंडा बाट ईश्वर पंडित , थाहा नगर वडा न ३ का अध्यक्ष हिरेन्द्रकुमार रायमाझी,वडा न ४ का अध्यक्ष नारायण लामा,पालुङ बहुउद्देश्यीय सहकारी संस्थाका अध्यक्ष उमेश ढकाल ,कृषि बिकास बैंकका सरोज बिडारी,महालक्ष्मी बिकास बैंकका नितेस पाण्डे,शिखर बचतका अध्यक्ष मधुसूदन बिष्ट,पालुङ क्याम्पसका प्रमुख राजन मिश्र,लालीगुरास बहुउद्देश्यीयका नानिछोरी प्रधान,थाहा नगर उद्योग बाणिज्य संघका वरिष्ठ उपाध्यक्ष पुरुषोत्तम ढकाल ,महासचिव सुरेन्द्रमान प्रधान,दामन चेली समाजका अध्यक्ष जयन्ती रायमाझी ,फरक सोचका अध्यक्ष यादव रायमाझी ,लगायतका बित्तीय संस्था तथा संघसंस्थाका प्रतिनिधिहरूको उपस्थिति रहेको साधारणसभामा पालुङ सेवा केन्द्रको इकाई संयोजक भरत गोपालीले आफ्नो प्रतिवेदन प्रस्तुत गर्दै थाहा सेवा केन्द्रको नाफा ४६ लाख ३६ हजार रुपैयाँ खुद नाफा सहितको आयव्यय प्रस्तुत गरे गोपालीले प्रतिवेदन प्रस्तुत गर्दै ७२७ सदस्य रहेको सेवा केन्द्रको शेयर रकम ३७ लाख ७४ हजार ,बचत ८० लाख ४५ हजार र कर्जा लगानी ५ करोड ६२लाख रहेको प्रतिवेदन प्रस्तुत गर्दै संस्था प्रती शुभेच्छा राख्नेहरुलाइ धन्यवाद व्यक्त गरे। संस्थाका सदस्य प्रमोदकृष्ण जोशीले संचालन गरेको सभालाई संस्थाका व्यवस्थापक राममाया खत्रीले स्वागत गरेका थिय।

साधारणसभामा अतिथिहरुले संस्थाको बित्तीय प्रगतिको मुल्यांकन उच्च रहेकोले आगामी दिनमा संस्थाको प्रगतिको कामना गर्दै साधारणसभाको सफलताको शुभकामना दियका थिय।साधारणसभाको उपलक्ष्यमा संस्थामा उत्कृष्ट कारोवार गर्ने सदस्यहरुलाइ सम्मान गरियको थियो।सम्मानित हुनेमा उत्कृष्ट वालबचत तर्फ कृशल तामाङ ,उत्कृष्ट शेयर सदस्य भिम बहादुर भोम्जन तथा मासिक बचत तर्फ उत्कृष्ट हुने सीतादेवी गमाललाई सम्मानित गर्दै प्रमुख अतिथि नगर प्रमुख बिष्टले सम्मानपत्र द्वारा सम्मानित गरेका थिय।