थाहाको कुल बजेट १ अर्ब १० करोड ८७ लाख।

थाहा नगरपालिकाको आर्थिक बर्ष २०७८/०७९ को संसोधित बजेट योजना तथा कार्यक्रम सहितको हिउँदे अधिबेशन तथा दशौ नगरसभा आज जेसिस हल मा सम्पन्न भएको छ।नगर सभा बाट उपप्रमुख खड्गबहादुर गोपाली ले चालु आर्थिक बर्ष २०७८/०७९ को लागि कुल बजेट १ अर्ब १० करोड ८७ लाख ३० हजार को अनुमानित बजेट पेस गर्नुभयो जसानुसार थाहा नगरको आर्थिक बर्ष ०७८/०७९ को कुल बजेट सशर्त तर्फ ३२ करोड २९ लाख ६ हजार तथा आन्तरिक श्रोत बाट २७ करोड ११ लाख ४७ हजार तेसैगरी राजश्व बाडफाड बाट १६ करोड ५३ लाख ४९ हजार बिनियोजन गरेको छ भने बित्तिय समानिकरण अनुदान तर्फ १४ करोड ६० लाख २८ हजार र अन्य सरकारी अनुदान २ करोड ,समपुरक अनुदान ४ करोड ६५ लाख ,विशेष अनुदान १ करोड ६८ लाख ,सामाजिक सुरक्षा तर्फ १२ करोड गरि कुल चालुतर्फ ८ करोड ५७ लाख ४५ हजार ,पुजिगत तर्फ ४९ करोड ४७ लाख ७९ हजार ,विषयगत कार्यालयतर्फ प्राप्त ३२ करोड २९ लाख ६ हजार ,समपुरक अनुदान ४ करोड ६५ लाख ,विशेष अनुदान १ करोड ६८ लाख र अन्य अनुदान २ करोड गरि कुल १ अर्ब १० करोड ८७ लाख ३० हजारको संसोधित खर्च अनुमान पेश गरियको छ।नगर सभा बाट आन्तरिक आय ११ करोड ८८ लाख ४९ हजार बाट बढेर आगामी बर्ष २७ करोड ११ लाख ४७ हजार पुग्ने अनुमान गरिएको छ भने अन्य आयहरुमा संघिय तथा प्रदेश सरकारबाट प्राप्त समानिकरण अनुदान १४ करोड ६० लाख २८ हजार ,संघिय तथा प्रदेश सरकार बाट प्राप्त सशर्त अनुदान ३२ करोड २९ लाख ६ हजार ,राजस्व बाडफाड बाट १६ करोड ५३ लाख ४९ हजार ,समपुरक अनुदान संघ तथा प्रदेश सरकारबाट ४ करोड ६५ लाख विशेष अनुदान बाट १ करोड ६८ लाख ,सामाजिक सुरक्षा बाट १२ करोड तथा अन्य सरकारी निकायबाट २ करोड प्राप्त हुने अनुमानित बजेट पेश गरियो ।
गत आर्थिक बर्षको कुल बजेट ९५ करोड ६४ लाख ३२ हजारको बजेट रहेकोमा कुल बजेट को २९.०७ प्रतिशत खर्च भयको छ भने निकासा अनुसारको खर्च प्रतिशत ५६.८ प्रतिसत रहेको छ।थाहा नगरका प्रमुख लबशेर बिष्टको अध्यक्षता मा सम्पन्न सभामा आफ्नो भनाइ राख्दै नेकपा एमाले नगर सचिवालय सदस्य प्रदिप प्रधानले बजेट कार्यान्वयन पारदर्शी रुपमा हुनपर्ने सुझाब दिदै नगरका किसानहरु मलको लागि लाइन बस्नुपर्ने र गुणस्तरहिन बीउ बिजनले मर्कामा परेकोले बजेटले थाहा नगरको कृषिको समस्यालाइ सम्बोधन गर्नुपर्नेमा जोड दिनुभयो ।तेसैगरि नेकपा माओवादी केन्द्रका नेता अरुण रायमाझीले जनप्रतिनिधि हरुको समय सक्किनै लाग्दा नगरमा राम्रो बिकासको थालनी भएको भन्दै बजेट कार्यन्वयन पारदर्शी रुपले हुनेमा बिश्वास ब्यक्त गर्नुभयो।नेपाली काङ्ग्रेस का सभापति प्रमोदकृष्ण जोशी ले बजेटमा थाहाको कृषिलाई प्राथमिकता दिन आग्रह गर्नुभयो।
नगरसभा ले नगर भित्र उत्कृष्ट  कर्मचारीहरु सुचना अधिकारी सुरज कुमार भुजेल ,स्वास्थ शाखा प्रमुख मेघराज बलामी,वडा सचीव पाल्साङ लामा,लाई जनही नगद १० हजार सहित सम्मानित गरियको छ।सभामा नगर कार्यपालिका सदस्यहरु,१२ वटा वडाका वडा अध्यक्ष ,सदस्य ,पत्रकारहरु को उपस्थित रहेको थियो।