चौघडा बचत तथा ऋण सहकारी संस्थाले स्वरोजगार र उद्यमी सदस्य बनाउने

हेटौंडा, १३ असोज
 हेटौंडा उपमहानगरपालिकामा रहेको चौघडा बचत तथा ऋण सहकारी संस्था लिमिटेडले सहकारीका युवाहरुलाई स्वरोजगार र उद्यमी बनाउने उदेश्यसहित कार्यक्रमको लागि बजेट बिनियोजन गरेको छ । सहकारीको आज भएको १५ औं बार्षिक साधारणसभामा यस्तो योजना सार्बजनिक गरिएको हो ।
 सहकारीका अध्यक्ष बिजयकुमार श्रेष्ठले सहकारीको मर्म र भावना अनुरुप शेयर सदस्यहरुलाई उद्यमी बनाउनको लागि पहल गर्दै बार्षिक कार्यक्रममा नै सकेटेको जानकारी दिनुभयो । उहाँले अबको दिनमा युवा, महिला सबैलाई स्वरोजगार बनाउदै राष्ट्रिय अर्थतन्त्रमा सहकारीले उल्लेख्य भुमिका निभाउने समेत उहाँको भनाई छ । सहकारीले यसपटक साधारणसभामा सहकारीभित्रकै सदस्यहरुलाई बोल्ने र प¥याप्त छलफल गर्न समय प्रदान गर्ने उदेश्यसहित प्रमुख एबम् बिशिष्ट अतिथीहरु नबोलाइएको बताउदै भन्नुभयो “हामीले मञ्चबाट भाषण गर्ने भन्दा पनि बार्षिक नीति तथा कार्यक्रममा तपाईहरुको सुझाब र आबश्यक्तालाई छलफलको बिषय बनाउनको लागि बाहिरी अतिथीहरु समेत बोलाएका छैनौ, हामीले परम्परागत निरन्तरता भंग गर्दै शेयर सदस्यहरुको भावना समेट्ने प्रयास गरेका हौं ।” उहाँले बार्षिक कार्यक्रमहरुमा ४ बर्षे रणनीतिक योजना बनाउदै सञ्चालक, सशकारीका महिला र कर्मचारी समेतको क्षमता अभिबृद्धी गर्दै उत्कृष्ट सहकारी बनाउने मात्र नभई सबल र समृद्ध शेयरधनी भएको सहकारी बनाउन जोड दिइएको जनाउनुभयो ।
  सहकारीको कूल शेयरपुंजी २ करोड ८१ लाख ४४ हजार रहेको सहकारीले जनाएको छ भने बचत रकम २६ करोड ७० लाख ३६ हजार ८ सय ३९ रुपैंया रहेको बताएको छ । त्यसैगरी ऋण लगानी तर्फ २६ करोड ५७ लाख ५९ हजार २ सय ३१ रुपैंया रहेको छ भने ब्याज आम्दानी ३ करोड २६ लाख ५७ हजार ५ सय २१ रुपैंया रहेको बताइएको छ । सहकारीले यसबर्ष बिमा योजना लागु गर्ने, क्यु आर कोड प्रबिधी लागु गर्ने लगाएतको कार्यक्रम संचालनमा ल्याउने अध्यक्ष श्रेष्ठले जानकारी दिनुभयो । उहाँको अनुसार सहकारीको दुई हजार सात सय ९९ जना शेयर सदस्य रहेका छन् ।
 कार्यक्रममा निबर्तमान अध्यक्ष श्यामकुमार श्रेष्ठ, उत्कृष्ट बचतकर्ता, कर्मचारी, ऋणी लगाएतलाई सम्मानपत्र, दासल्ला र करुवा सहितले सम्मान गरिएको थियो । अध्यक्ष श्रेष्ठको अध्यक्षतामा सम्पन्न १५ औं बार्षिक साधारणसभामा अध्यक्ष, सचिब, कोषाध्यक्ष र लेखासमितिको प्रतिबेदनमाथी छलफल गर्नुको साथै अडिटरको सुझाबलाई समेत समेट्ने प्रतिबद्धता गरिएको थियो ।