ग्रामीण पर्यटन सहकारीको १५ औं वार्षिक साधारणसभा सम्पन्न।

थाहा नगरपालिकाको थाना बजारमा अबस्थित ग्रामीण पर्यटन ब्याबसायिक सहकारी सस्थाले आफ्नो १५ औ वार्षिक साधारणसभा सम्पन्न गरेको छ। शिखरकोटको बिकास घरमा संस्थाका अध्यक्ष शिबहरी बर्तौलाको सभापतित्वमा सप्पन्न साधारणसभामा थाहा नगरपालिका सहकारी शाखा प्रमुख अस्मिता तिवारी घिमिरेको प्रमुख आतिथ्यता तथा निबर्तमान अध्यक्ष निरन्जन अधिकारीको विशिष्ट आतिथ्यता रहेको साधारणसभामा ,प्रेस सेन्टर थाहा नगर अध्यक्ष शम्भु अधिकारी ,थाहा ३ का वडा सदस्य सबिता सुनार संस्थापक उपाध्यक्ष प्रेम कुमार केसि, संस्थापक कोषाध्यक्ष इन्द्रध्वज अधिकारी ,उपाध्यक्ष गणेश लामा, लेखासमिती संयोजक राजाराम रायमाझी,कोषाध्यक्ष दिपा थापा,ऋण समिती संयोजक अच्युत केसी ,ब्यबस्थापक अमृता हमाल ,लगायतका उपस्तिथि रहेको थियो।

साधारणसभामा आफ्नो प्रतिबेदन प्रस्तुत गर्दै अध्यक्ष शिबहरी बर्तौलाले थोरै पुजिलाइ संस्थागत गरि ग्रामीण भेगमा संचालित पर्यटन ब्यबसाय ,कुटिर उद्योग ,होटल ब्यबसाय तथा हस्तकलाका सामाग्री उत्पादन गर्ने साना उद्योगहरुमा लगानी गरि पर्यटन ब्यबसायलाइ पर्बर्धन गर्नुनै सहकारिको उद्देश्य र लक्ष रहेको प्रष्ट पार्दै सहकारीले आगामी बर्षहरुमा पर्यटन बिकासका साथै सहकारी पसल स्थापना गरि सदस्यहरुलाइ सुपथ सामान उपलब्ध गराउने बताउनुभयो। 

सहकारी का सचिब प्रदिप केसि ले आफ्नो प्रतिबेदन पेश गर्दै सस्थाको सेयर रकम ५२ लाख ५० हजार ऋण लगानी १ करोड ३४ लाख ३ हजार तथा बैंक मौज्दात ५५ लाख ४६ हजार रहेको हिसाब पेस गर्नुभयो साथै वहाले आगामी बर्षहरुमा सेयर बढाउदै कारोबारलाइ अझ बिस्तारित बनाइने बताउदै संस्थाले सदस्यहरुको यथोचित आर्थिक वृद्धि गर्न शेयर वृद्धि ,तथा ऋण सुरक्षणका लागि विना धितो ऋण प्रवाह नगर्ने प्रस्ताव पेश गरेकोमा सभाले पारित गरेको थियो।
 साधारणसभामा संस्थाका कोषाध्यक्ष दिपा थापाले आफ्नो वार्षिक आर्थिक प्रतिवेदन प्रस्तुत गदै संस्थाको वार्षिक करोबार १ करोड ६१ लाख पुगेको प्रतिवेदन प्रस्तुत गर्दै संस्थाको साधारण बचत,दैनिक बचत,आवधिक बचत लगायत अन्य खाता तथा ऋण लगानी र असुली नितिहरु संचालनमा आइरहेको प्रतिवेदन प्रस्तुत गर्नुभएको थियो। 
कार्यक्रमलाई शुभकामना दिनुहुदै प्रमुख अतिथि थाहा नगरपालिका सहकारी शाखा प्रमुख अस्मिता तिवारी घिमिरेले  सहकारी ले पर्यटन ब्यबसायमा लगानी गर्न ठोस एजेन्डा नहुदा समस्या रहेको बताउदै सदस्यहरुले पनि पर्यटन ब्यबसाय र आर्ग्यानिक कृषि उत्पादनमा जोड दिन र सहकारी ले पनि तेहि अनुरुप आफ्नो लगानी बढाइ थाहा नगरको आर्थिक उन्नति मा टेवा दिन अनुरोध गर्दै शुभकामना दिनुभयो।

सहकारी ले हाल थाहानगर र इन्द्रसरोबर को मार्खु मा आफ्नो सदस्य हरुलाइ सेवा दिदै आइरहेको छ भने संस्थामा हाल ७३८ सदस्य रहेको छ। 
साधारणसभाकै अवसर पारेर संस्थामा उत्कृष्ट कारोवार गर्ने सदस्य  हरुलाइ सम्मान गरिएको छ।

सम्मानित हुनेमा उत्कृष्ट कर्जा तर्फ थाहा ३ कि लक्ष्मी खत्री,थाहा ३ का मनलाल गोपाली र थाहा ४ का धुम्म बहादुर लामा लाई नगद सहित सम्मान गरियो भने,दैनिक बचत तर्फ थाहा ३ कि अन्जु मोक्तान,थाहा ३ कि कमला गोले,र थाहा ३ कै सुनिल गोले लाई सम्मान गरियको सभामा उत्कृष्ट विद्यार्थी बचत तर्फ थाहा ३ कि एरिका सेढाई लाई र उत्कृष्ट वृद्ध बचत सम्मान बाट थाहा ४ कि मायादेवी अधिकारी र अम्मर बहादुर खत्रीलाई सम्मान गरिएको थियो।