कुण्डलदेवी बहुउद्देश्यीयको कारोबार ४ करोड,

थाहा नगरको पर्यटकीय स्थल दामनमा प्रधान कार्यालय रहेको कुण्डलदेवी बहुउद्देश्यीय सहकारी संस्थाको २२ औं वार्षिक साधारण सभा शनिबार सम्पन्न भएको छ । संस्थाका अध्यक्ष शिवकुमार खत्री को समापतित्वमा सम्पन्न साधारण सभामा थाहा नगरपालिका वडा न ४ का अध्यक्ष नारायण लामाको प्रमुख आतिथ्यता रहेको थियो ।

कार्यक्रममा वडा न ३ का अध्यक्ष हिरेन्द्र रायमाझी,नगर कार्यपालिका सदस्य चन्द्रमाया बल,पालुङ बहुउद्देश्यीय सहकारी संस्थाको उपाध्यक्ष अरुण रायमाझी ,शिखर बचतका अध्यक्ष मधुसूदन बिष्ट ,सहयोगी बचतका व्यवस्थापक मोहनमान श्रेष्ठ ,मुक्तिनाथ हरियाली कृषि सहकारीको अध्यक्ष माधव कार्की ,नगर कार्यपालिका सदस्य ,फरक सोचका अध्यक्ष यादव रायमाझी ,थाहा ४ का पुर्व अध्यक्ष दिपक सिंह लामा,थाहा कृषि सहकारीका सचिव केशव सुनार,पाथिभरा सहकारीका अध्यक्ष गोकर्ण बरुवाल,दामन चेली समाजका अध्यक्ष जयन्ती रायमाझी , लगायतका आतिथ्यता रहेको थियो । साधारण सभामा सञ्चालक समितिको तर्फबाट अध्यक्ष शिवकुमार खत्री , लेखा समिती सदस्य कुमार नेगीले आर्थिक वर्ष २०७९/०८०को अनुमानित आय व्यय तथा वार्षिक कार्यक्रम र लेखा समितिको तर्फबाट प्रतिवेदन प्रस्तुत गरिएको थियो । उक्त प्रतिवेदन उपर छलफल गरी साधारण सभाबाट पारित गरिएको छ ।

आर्थिक वर्ष २०७७/०७८ मा संस्थाको सेयर पुँजी ७८ लाख २४ हजार रहेको तथा वार्षिक कारोवार ४ करोड २१ लाख तथा लगानी ३ करोड रुपैयाँ पुगेको प्रतिवेदन प्रस्तुत गर्दै यश बर्ष ३६ लाख आम्दानी गरि ९ लाख ३३ हजार खुद नाफा गर्न सफल रहेको प्रतिवेदन प्रस्तुत गरियो। अध्यक्ष खत्रीले छिटो छरितो भरपर्दो र बिश्वसनिय सेवा प्रदान गर्दै संस्थाले कृषि पर्यटन,व्यापार ,वैदेशिक रोजगार लगायतमा सेवा पुर्याउदै अगाडि बढ्ने प्रतिवद्द्ता व्यक्त गरे। संस्थाले उत्कृष्ट कारोवार गर्ने सदस्य तथा बृद् सदस्यहरु लाई साधारणसभाको अवसरमा सम्मानित गर्यो सम्मानित हुनेमा वृद्ध तर्फ सुनकुमारी थिङ,मान बहादुर भोम्जन,र रमेश रायमाझीलाई प्रमुख अतिथी नारायण लामाले दोसल्ला तथा सम्मान पत्र प्रदान गरे। तेस्तै असल बचत तर्फ सीता लामा,राजन गोपाली,तथा गंगालाल प्रधान भए भने उत्कृष्ट कर्जा तर्फ मनश्याम बस्नेत,माइली गोले र ईश्वर प्रसाद ढकाल सम्मानित भए।