सिमभन्ज्याङका स्थानीय पुरानै युगमा : गाग्रोमा पानी बोकेर पिउन बाध्य

मकवानपुर जिल्लाको  सबैभन्दा अग्लो स्थानमा रहेको प्रख्यात पर्यटकिय क्षेत्र  सिमभन्ज्याङमा पिउने पानीको समस्याले स्थानीयहरु निकै नै पिडित भएका छन् । बिगतको समयमा जसरी गाग्रो,नल र ठेला गाडामा सिमित मुहान र सिमबाट पानी बोकेर आफ्नो दैनिकि चलाएका थिए,फेरि पनि उही पुरानो तरिका अनुसार नै जिबिकोपार्जन गर्न  बाध्य भएका छन्,सिमभन्ज्याङ बासीहरु। बिगत केही  वर्ष देखि २५ घरपरिवारलाई लिफ्टिङ्ग सिस्टमद्वारा  शुद्ध पिउने पानी बितरण गर्दै आईरहेको बजार ब्यबस्थापन समितिले  हाल पानी तान्ने मेसिन बिगृएकोले  बजार क्षेत्रमा पानीको आपूर्ति गर्ने कार्य ठप्प नै गर्नुपरेको छ।

पानी तान्ने पम्प यस अघि पनि धेरै पटक फेरिसकेको र ठूलो क्षमताको पम्प भएको कारण नयाँ किन्न धेरै खर्चिलो हुने भएर स्थायी रुपमा नै पानीको समस्या समाधान गर्ने विषयमा स्थानीयहरु सहमत भएका छन्।  वर्तमान बजार ब्यबस्थापन समितिको अध्यक्ष डेनि श्रेस्ठले राखेको प्रस्तावलाई   थाहा नगरपालिका वडा नं.४ को कार्यालयबाट ५० हजार र नगरपालिकाको कार्यालयबाट १ लाख गरि कुल १ लाख ५० हजार को अनुदान रकम बिनियोजन गरि पानीको समस्या यथाशीघ्र समाधान  गर्न लागिएको र रकम निकासा हुने प्रक्रियामा नै रहेको अध्यक्ष श्रेष्ठले थाहापाटिलाई जानकारी दिए।

 हाल सुक्न लागेको पानीको स्रोतहरुबाट  पानी बोकि आफ्नो दैनिकी चलाउन बाध्य भएका छन् ,स्थानीय पर्यटन ब्यबसायी,आम नागरिक र स्थानीय प्रहरी प्रशासनका कर्मचारीहरु र विशेषत: होटेल ब्यबसायीहरु पानीको समस्याले धेरै प्रभावित भएका छन् ।