सहिद सुनिताको स्मृतिमा जिल्ला स्तरीय भलिबल प्रतियोगिता सुरु।

थाहा नगरका जनयुद्धका सहिद सुनिता गोपालीको स्मृतिमा सहिद सुनिता स्मृति प्रतिस्ठान द्वारा आयोजित प्रथम जिल्ला स्तरिय भलिबल प्रतियोगिताको आज थाहा नगरको बज्रबाराही स्थित बाराही चौरमा एक समारोह बिच थाहा नगरका प्रमुख लबशेर बिष्टले उद्घाटन गर्नु भएको छ।
उद्घाटन कार्यक्रममा उपप्रमुख खड्गबहादुर गोपाली थाहा नगर खेलकुद बिकास समिति संयोजक राजेस केसी ,सहिद सुनिता गोपालीका ममतामयी आमा मैजुमाया गोपाली  नेकपा माओवादी केन्द्रका केन्द्रिय सदस्य सन्तोष बिष्ट ,माओबादी केन्द्रका प्रदेश सदस्य द्वय इन्द्र बहादुर श्रेष्ठ ,बिष्णु बिष्ट आदर्श ,नेपाली काङ्ग्रेस क्षेत्रीय उपसभापति इश्वरी साही ठकुरी ,नेकपा एकीकृत समाजबादी थाहा नगर अध्यक्ष सानुकाजी गोपाली नेकपा एमाले वडा न १ का अध्यक्ष गोबिन्द गोपाली,वडा सदस्य तथा सहिद सुनिताका दाजु रुपचन गोपाली,थाहा नगरपालिका सामाजिक बिकास साखा प्रमुख अनिल लामिछाने ,सहयोगीहरु पियस बालुवा उद्योग का संचालक प्रदिप भट्ट ,साजन ढुवानी सेवाका सन्त बहादुर बलामी ,नेपाली काङ्ग्रेस वडा न १ का सभापति रुपचन्द्र गोपाली,वडा सदस्यहरु देबकी तामाङ,शुशिला बिक ,जेष्ठ कम्युनिस्ट मंच का प्रदेश सदस्य बिष्णु बहादुर गोपाली ,माओवादी केन्द्र थाहा नगर अध्यक्ष बिनोद लामा ,फरक सोचका अध्यक्ष यादव रायमाझी,वाइसीएल थाहा नगर अध्यक्ष मानशिङ दोङ्ग लगायतका अतिथी हरुको उपस्थिती रहेको थियो।कुल १२ टिमले सहभागिता जनायको प्रतियोगितामा आज भएको उद्घाटन खेलमा आयोजक सुनिता स्मृति ,मनकामना युवा र चण्डेश्वरी युवा क्लब ले बिजयी सुरुवात गरेका छन।
१५ गते सम्म संचालन हुने प्रतियोगितामा प्रथम हुने टिमलाइ नगद ५१ हजार सहित शिल्ड ,मेडल तथा प्रमाणपत्र र दोस्रो हुनेलाइ नगद २६ हजार सहित मेडल तथा प्रमाणपत्र ,तेस्रो स्थान हासिल गर्ने टिमले १३ हजार रुपैया तथा सान्त्वना हुनेले नगद ४ हजार प्राप्त गर्ने र बिधागत उत्कृष्ट हुने खेलाडिहरु लाई पुरस्कृत गरिने आयोजकले जनायको छ।