संविधानको दिवसको अवसरमा थाहाकाे शिखरकाेटमा दिप प्रज्वलन

संविधान दिवसको अवसरमा थाहा नगरपालिकाको शिखरकोटमा दिप प्रज्वलन गरिएको छ ।

शिखरकोटका स्थानिय युवाहरुको सकृयतामा फरकसाेचकाे संयोजन  राधाकृष्ण मन्दिर परिसरमा दिप प्रज्वलन गरिएको हो ।

दिप प्रज्वलनमा सहभागी हुदै नेपाल कम्युनिष्ट पार्टी नेकपाका थाहा नगर अध्यक्ष अरुण रायमाझीले जनताको ठुलो त्याग,तपस्या र बलिदानीबाट प्राप्त अहिलेको संविधानको सफल कार्यान्वयन गरि जनतालाई प्राप्त संविधान प्रदत्त अधिकारको प्रत्याभुति हुनु नै वर्तामान संविधानको सफल कार्यान्वयन हुने बताउनु भयो ।

दिप प्रज्वलन कार्यक्रममा सहभागी नेकपाका युवा नेता बिनोद के.सी.ले संविधानको सफल कार्यान्वयनकालागि सबैले   आ–आफ्नो तह र तप्काबाट सकृय योगदान गर्नुपर्ने बताउनु भयो ।

कार्याक्रममा आयोजकका तर्फबाट फरक सोचका संयोजक यादबजंग रायमाझीले संबिधानले सबैलाई समान हक अधिकार र अवसर दिएको भए पनि यसमा लेखिएका हरेक शब्दको अक्षरंस पालाना सबैबाट हुनु जरुरी भएको बताउदै  कसैको ब्यक्तिगत फाईदा इच्छामा यसको मर्मलाई कुल्चिएर वा यसलाई परिवर्तन गरेर गरिने कार्य मान्य नहुने हुँदा यसको कार्यान्वयनमा जोड दिन दिप प्रज्वलन कार्यक्रमको आयोजना गरिएको बताउनु भयो ।

कार्यक्रम गणेश बिष्टले संचालन गर्नु भएको थियो ।

दिप प्रज्वलन कार्यक्रमका राजनितिक दलका नेता कार्यकर्ता,स्थानिय संघ संस्थाका प्रतिनिधि, लगाएत स्थानिय युवा र व्यवसायीहरुको उपस्थिति थियो ।