संक्रमितले दिए थाहा ७ नं. वडा कार्यालयलाई धन्यवाद

थाहा नगरपालिका वडा नम्बर ७ को कार्यालयले कोरोना भाईरस संक्रमितलाई घरमै पोसिलो खाना र स्वास्थ्य सामग्री उपलब्ध गराएपछि एक संक्रमितले सामाजिक संजालमार्फत वडा कार्यालय लगायत सहयोगीलाई धन्यवाद दिएका छन ।

उहाँले सामिजिक संजाल फेस्बुकमा लेखेका छन् "हाम्रो थाहा ७ मा कोरोना भाईरस पोजेटिभ निस्केकालाई चना, अण्डा, साबुन, मास्क, सेनिटाइजर आदि बितरण गरेको छ  । हामीलाई यसरी बितरण गर्नुभएकोमा वडा अध्यक्ष लगायत सम्पुर्ण सहयोगीहरुमा धेरैधेरै धन्यवाद ।"

वडा स्तरीय कोरोना रोकथाम  तथा नियन्त्रण समिति मार्फत प्रति संक्रमित १ किलो चना, १५ ओटा कुखुराको अण्डा, १५ ओटा सर्जिकल मास्क, १०० मिलिलिटरको १ ओटा सेनिटाइजर र १ लाइफब्याई साबुन संक्रमितको घरमै पुगेर बितरण गरेको थियो ।

संक्रमितको स्वास्थ्य स्थिति बुझ्न, आत्मबल उच्च बनाउने सल्लाह दिन र सचेतना फैलाउन यो अभियान गरेको वडा सदस्य दिपेन्द्र कुमार थिङ ले बताउनु भयो ।

वडालाई छिट्टै कोरोना संक्रमण मुक्त बनाउने अभियानमा वडा कार्यालय लागेकोले यो अभियान सफल बनाउन सहयोग गर्न सबैमा वडा अध्यक्ष सनम सिं मुक्तानले आग्रह गर्नुभयो ।

मुक्तानले स्वास्थ्य मापदण्डको पालना गरि सुरक्षित रहन समेत वडाबासीहरुलाई अनुरोध गर्नुभयो ।

वडाको एक घर एक सेनिटाइजर, एक ब्यक्ति एक मास्क र 
संक्रमितलाई पोसिलो खाना अभियान अन्तर्गत स्वास्थ्य सामग्री र पोसिलो खाना बितरण गरिएको हो ।