मान्छे मार्ने बाघ बस्ती छिर्‍यो , ६ वटा बाख्रा मार्यो, गाउँ पुरै भयावह स्थितिमा

मनहरी गाउँपालिका ५ बसन्तपुरमा आइतबार साँझ बाघले एक बृद्धालाई मारेको छ । घाँस काट्न बारीको छेउमा गएकी ७२ बर्षीया कान्छीमाया रुम्बा बाघको आक्रमणमा पर्नु भएको हो ।

घाँस काट्न गएको लामो समयसम्म पनि नफर्केपछि खोज्ने क्रममा गएका युवाहरुले कान्छीमायाँ भागेकोजस्तो देखेपछि पछ्याउने क्रममा शव भेटिएको हो ।

‘बाघले कान्छीमायालाई बोकेर हिँडेको हुनुपर्छ’, ५ नं वडाध्यक्ष दीपेन्द्र अधिकारीले भन्नुभयो–‘भीडभाड देखेपछि बाघले लास छाडेर भागेको अनुमान गरिएको छ ।’

शवको टाउको तथा तिघ्राका भागको मासु बाघले लुछेको अबस्थामा छ । अहिले घटनास्थलमा भीडभाडसँगै त्रास बढेको छ । घटना स्थल मनहरी गाउँपालिका वडा नं ५ को कार्यालयबाट १ सय मिटर पश्चिमतर्फ पर्दछ।

मान्छे मार्ने बाघले बाख्रा समेत खाएकोछ । हिजो साँझ ७२ बर्षिया स्थानिय महिला कान्छी माया रुम्बालाई बाघले आक्रमण गरि मारेको थियो । उक्त महिलाको शव पोष्टमार्टमको लागि राती ३ बजे हेटौंडा पठाईएको थियो ।

घटना स्थलबाट लगभग ६०० मिटर दक्षिण तर्फ तथा मृतक महिलाको घरको करिब १०० मिटरमा अवस्थित स्थानिय सुर्य बहादुर मोक्तानको खोरबाटै ६ वटा बाख्रा मारी खाएको हो । बिहान ५ बजे तिर बाघले बाख्रा खाएको हो ।

पटक पटक बाख्रा , भैंसी लगाएत मान्छे समेत आक्रमण गरि रहेको हुँदा स्थानिय समुदायलाई सजक रहन वडा अध्यक्ष दीपेन्द्र अधिकारीले बताए ।