भोलि बाट सुरुहुने जेसीज कप ब्याडमिन्टन प्रतियोगिताको खेल तालिका सार्वजनिक

फाइल फोटो

थाहा नगरपालिकाको क्याम्पाडाँडा स्थित कबर्डहलमा १३ भाद्रबाट शुरु हुने थाहा नगरस्तरीय जेसीज कप डबल ब्याडमिन्टन प्रतियोगिताको खेल तालिका सार्वजनिक भएको छ । तालिका अनुसार १३ टिमले सहभागिता जनाउने पालुङ जेसिज वर्ष २०२४ का अध्यक्ष निरज रायमाझीले जानकारी दिए । प्रतियोगिताको उद्घाटन खेलमा सुनिल र सन्तोषको टिमले रोशन र घनश्यामको टिमसँग प्रतिस्पर्धा गर्ने भएको छ ।

पालुङ जेसीजले पहिलो पटक डबल ब्याडमिन्टन प्रतियोगिता आयोजना गर्न लागेको जेसीजका अध्यक्ष रायमाझीले जानकारी दिए । थाहा नगरपालिका वडा नम्वर ४ मा रहेको थाहा ब्याडमिन्टन कभर्ड हलमा प्रतियोगिताका खेलहरु सञ्चालन हुने छन् । खेलको माध्यमबाट समाजमा रहेका युवालाई जागरुक बनाई समाजमा क्रियाशील राखी समाज निर्माण, समाजको समृद्धि र विकासमा सहयोग हुने उद्देश्यले प्रतियोगिता आयोजना गरेको जेसीजका अध्यक्ष रायमाझीले बताए ।

प्रतियोगितामा प्रथम, दोस्रो हुनेले क्रमशः नगद १० हजार, ७ हजार रुपैयाँसहित ट्रफी, मेडल र प्रमाणपत्र प्राप्त गर्ने छन् भने उत्कृष्ट खेलाडीले नगद २ हजार ५ सय रुपैयाँ ट्रफी र प्रमाणपत्र प्राप्त गर्ने छन् । प्रतियोगिताका लागि प्रथम पुरस्कार स्वर्गीय रणबहादुर रायमाझीले प्रायोजना गर्ने भएका छन् । स्वर्गीय रणबहादुर पालुङ जेसीजका अध्यक्ष निरजका हजुरबुवा हुन् ।

प्रतियोगिताका लागि फरक सोच र थाहानगर ब्याडमिन्टन सङ्घले समन्वय गर्ने छ । प्रतियोगिताको फाइनल खेल भाद्र १५ गते हुने आयोजकले जनाएको छ ।

हेर्नुहोस खेल तालिका: