थाहामा भुकम्पिय निजि आवास निर्माण सम्पन्न, प्रमाणपत्र बितरण

थाहानगरपालिका ७ आग्रा देउखेलमा भुकम्पिय निजि आवास निर्माण सम्पन्नताको प्रमाणपत्र बितरण कार्यक्रम सम्पन्न भएको छ । कार्यक्रम महादेब खर्क श्री कुटेस्वोरी प्राथमिक बिधालयको प्राङगणमा भएको थियो । कार्यक्रममा देउखेल सहरी स्वास्थ्य केन्द्र प्रमुख नेमराज थिङ, पुनर्निर्माण प्राबिधिक पप्पु यादब, थाहानगरपालिका ७ का वडा सदस्य दिपेन्द्र कुमार थिङ ले स्वागत मन्तब्य ब्यक्त गर्नु भएको थियो। 

थाहा ७ का वडा अध्यक्ष सनम सि मोक्तानको सभाध्यक्षतामा भएको कार्यक्रममा नगर उपप्रमुख खड्ग बहादुर गोपालिको प्रमुख अथितिमा भएको थियो । २०७२ साल बैशाख १२ को त्यो कालो दिन धेरै दुख कष्ट पश्चात् आफ्नो भत्कियको घर माया मारेर,,नया घर पुन निर्माण पश्चात् पटक पटक किस्ता लिएर बनायेको नया घर बनाउदा धेरै नै राहत पुगेको र  प्रमाणपत्र हस्तान्तरण कार्यक्रममा सहभागी हुन पाउँदा खुशी लागेको साथै प्रबलिकरण कार्यक्रम मा पुराना संरचनाहरुलाइ पिल्लर दिएर पुरानो घर जस्तै बनाउने भएकाले प्रबलिकरण तर्फ पनि ध्यान दिनु आबश्यक रहेको उपप्रमुख गोपालीले बताउनुभयो । 

भवन प्रबिधि अनुसन्धान तथा तालिम केन्द्र मकवानपुरका प्राबिधिक  अर्जुन घिमिरेले थाहानगरकै पहिलो वडाको रुपमा प्रमाणपत्र बितरण गर्न पाउँदा खुशी लागेको साथै पुनर्निर्माण जस्तै प्रबलिकरणको बारे चेतना अभिबृद्दी गराउदै पुराना भवन संरचना अनुरुपनै घर बनाउन सकिने हुदा प्रबलिकरण कार्यक्रम एकदमै न्यून रहेकाले यसप्रती पनि चासो राख्दै एकतले ,दुइकोठे, चारकोठे घरहरु निर्माण भैरहेकामा प्रबलिकरण तर्फ जोड दिदै पुराना सम्रचना अनुसार आफ्नो धर्म सस्कृती रिति अनुसारको घर निर्माण गर्दै प्रबलिकरण कार्यक्रममा पनि येसरी नै पहिलो वडा बन्नुहुनेछ भन्ने आशा रहेको बताउनुभयो ।

जिल्ला कर्यान्वयन इकाइ मकवानपुरका इकाइ प्रमुख बिमल किस्वोर के पि ले असार २१ गते सम्म अन्तिम मिति भएकोले तपाईंहरुले वडामा कागजपत्र समयमै बुझाउनु हुन अनुरोध गर्छौ अहिले भैरहेको छुट दर्ता कार्यक्रम मा सम्पुर्ण लाभग्राहिहरुले नछुटाइ प्रकृया पुर्याएर दर्ता गराउनुहुन अनुरोध गर्नुभयो ।