बिनयबाबु स्मृति भलिबलको उपाधी मंगलेश्वर युवा क्लवलाई

थाहामा जारी छैटौं विनयबाबु बस्नेत स्मृति जिल्ला स्तरीय रनिङ शिल्डको उपाधी मंगलेश्वर युवा क्लव थाहा २ भाङ्खोरियाले हात पारेको छ।
२७ कार्तिकमा भएको प्रतियोगिताको फाइनलमा आयोजक विनयबाबु स्मृति प्रतिष्ठानलाई ३-० को सोझो सेटमा हराउदै मंगलेश्वरले उपाधी उचालेको हो।
निकै प्रतिस्पर्धात्मक खेलमा मंगलेश्वरले आयोजकलाई २५-१९,२५-२२ र २५ - २३ को सोझो सेटमा पराजित गर्यो।
उपाधी संगै मंगलेश्वरले नगद ५५ हजार ५ सय ५५ रुपैयाँ, उपबिजेता आयोजकले २८ हजार ८ सय ८८ रुपैयाँसहित शिल्ड, मेडल र प्रमाणपत्र प्राप्त गरेका छन ।
बिजेता खेलाडी तथा बिधागत उत्कृष्ट खेलाडीहरुलाई प्रमुख अतिथी मकवानपुर क्षेत्र न २ का संघिय सांसद महेश वर्तौला तथा थाहा नगरपालिकाका नगर प्रमुख बिष्णु बिष्टले पुरस्कार प्रदान गरेका थिए। प्रतियोगितामा उत्कृष्ट पाँच विधा अन्तर्गत उत्कृष्ट खेलाडी मंगलेश्वरका बलराम सुवेदी ,उत्कृष्ट डिफेन्डर रोशन गोपाली,उत्कृष्ट स्पाइकर कुशल लामा र उत्कृष्ट सेटर उत्सव आले तथा उत्कृष्ट नव प्रतिभा खेलाडी सुजल कार्की हुन सफल रहे उत्कृष्ट खेलाडी हरुलाइ  नगदसहित मेडल प्रदान गरिएको थियो ।
प्रतिष्ठानका अध्यक्ष शंकर कार्कीको सभापतित्वमा सम्पन्न समापन समारोहमा प्रमुख अतिथी संघीय सांसद महेश वर्तौला,थाहा नगर प्रमुख बिष्णु बिष्ट,वडा न १ का अध्यक्ष हेरमान गोपाली,२ का बम बहादुर सिङतान,३ का हिरेन्द्र रायमाझी,५ का बिष्णु बहादुर गुरुङ,७ का शिवराज थिङ,नेकपा एमालेका नगर अध्यक्ष अच्युत्तम प्रसाद ढकाल ,माओवादी नगर सचिव लक्ष्मण बिष्ट,थाहा नगर भलिबल संघका अध्यक्ष वसन्त गोपाली,थाहा नगर खेलकुद विकास समितिका सदस्य सचिव अनिल लामिछाने,पालुङ जेसिजका अध्यक्ष संगम कार्की ,जनकल्याण माबिका प्रधानाध्यापक सानोभाइ कार्की ,जिल्ला भलिबल संघका महासचिव सन्तोष श्रेष्ठ ,प्रतिष्ठानका संस्थापक बिजयबाबु बस्नेत ,विनयबाबुका बुबा बिष्णु बहादुर बस्नेत लगाएतको उपस्थिति रहेको थियो।