बिद्युत समस्या समाधानको लागि थाहाका मेयर मन्त्रालय दगुर्दै,

उत्तरी मकवानपुरको थाहा नगरपालिका ,ईन्द्रसरोवर गाउँपालिका,कैलाश गाउँपालिका,तथा भिमफेदी गाउँपालिकाको केही क्षेत्रमा बिद्धुत प्राधिकरण पालुङ्ग बितरण केन्द्रले बिद्धुत प्रशारण तथा बितरण गर्दै आइरहेको क्षेत्रमा दिनहुँ जसो बिद्धुत लाइनमा समस्या आइरहेपछी थाहा नगरपालिकाले बिद्धुत समस्या समाधानका लागि उर्जा ,जलश्रोत तथा सिचाइ मन्त्रालयमा गइ समस्या समाधानको लागि पहल गरीदिन आग्रह गरेको छ।
थाहा नगरपालिकाको तर्फबाट नगर प्रमुख बिष्णु बिष्ट सहितका टोलि मन्त्रालय पुगि समस्या समाधानको लागि पहल गरीदिन आग्रह गरीयको नेकपा माओवादी केन्द्रका प्रदेश सदस्य इन्द्र बहादुर श्रेष्ठले थाहापाटिलाइ बताउनुभयो।
श्रेष्ठका अनुसार उर्जा मन्त्री पम्फा भुसाल लाई भेटी,थाहा नगरपालिकाको तर्फबाट समस्या समाधानको लागि पत्र दियको तथा बन मन्त्रालयमा अड्कियको प्रशारण लाईन लाई छिटो ल्याउन पहल समेत गरि अड्कियको फाइललाई अगाडि बढाउने काम गरीयको बताउनुभयो साथै मन्त्री भुसालले समस्या समाधानको लागि छिटोभन्दा छिटो पहल हुने बताउनुभयको सहभागी श्रेष्ठले बताउनुभयो।
मन्त्रालयमा पुगि टोलिले मार्खु मातातिर्थ लाईन(मातातिर्थ चखेल खण्ड ) निर्माणकार्य प्रक्रिया तत्काल अगाडि बढाइ उक्त लाईन निर्माण सम्पन्न गरि मार्खु सवस्टेसन संचालनमा लेरायर हाल कायम रहेको एउटै फिडरलाई छुट्टाछुट्टै बनाइ संचालन गर्ने तथा निर्माणाधीन पालुङ सव स्टेशन निर्माण कार्य छिटो सम्पन्न गरेर संचालनको लागि मार्खु पालुङ्ग ३३ केभिए लाइन निर्माण अबिलम्ब गर्नुपर्ने सहितको माग राखी आबश्यक पहल गरिदिन आग्रह गरीएको नगर प्रमुख बिष्णु बिष्टले जानकारी दिनुभयो।
हाल फाखेल मार्खु ३३ केभी लाईन बनिसकेको र मातातिर्थ देखि फाखेल सम्मको लाईनमा बन क्षेत्र पर्ने भएको हुँदा वन क्षेत्रको रुख कटान गर्न आबश्यक प्रक्रिया पुर्याइ मन्त्री परिषदमा लगेर निर्णय हुनासाथ ६ महिना भित्र मातातिर्थ मार्खु ३३ केभी लाइन संचालनमा ल्याउने गरि कार्य भैरहेको मातातिर्थ फाखेल मार्खु ३३ केभिए आयोजना प्रमुख खिलनाथ अर्यालले बताउनुभयो।अर्यालका अनुसार वनको प्रक्रिया पुराहुनासाथ काम अगाडि बढ्ने बताउदै मन्त्री परिषदको निर्णय आउनासाथ काम अगाडि बढ्ने बताउनुभयो।
मन्त्रालयमा निवर्तमान राष्ट्रिय सभा सदस्य रामनारायण बिडारी ,थाहा नगर प्रमुख बिष्णु बिष्ट ,नेकपा माओवादी केन्द्रका प्रदेश सदस्य ईन्द्र बहादुर श्रेष्ठ ,अर्जुन सिंह ठकुरी को सहभागीता रहेको थियो।