पाँचौ उपमेयर कप ब्याडमिन्टन प्रतियोगितामा १५ टिमको सहभागी रहने,प्रतियोगिताको तयारी पुरा

फाइल तस्बिर

जेठ ९ गते थाहा नगरपालिकाको स्थापना दिवसको अवसरमा आयोजना हुने पाचौं उपमेयर कप ब्याडमिन्टन प्रतियोगितामा १५ समुह बिच प्रतिष्पर्धा हुने भएको छ । 
प्रतियोगिताको व्यवस्थापन  थाहा व्याडमिन्टन संघका अनुसार सम्पुर्ण खेलहरु नक आउटको आधारमा खेलाईने छ । उदघाटन खेल गतबर्षका बिजेता नरेन्द्र मोक्तान र देवकुमार अर्यालको समुह र रोशन गोपाली र घनश्याम श्रेष्ठको समुह बिच हुनेछ । 
बिहान ८ बजे व्याडमिन्टन कभर्ड हल क्याम्पामा थाहा नगरपालिकाका प्रमुख बिष्णु बिष्ट र उपप्रमुख भरत गोपालीले संयुक्त रूपमा उद्घाटन गर्ने कार्यक्रम रहेको आयोजकले जनाएको छ।
प्रतियोगिता लाई  प्रायोजकहरुले पुरस्कारको व्यवस्था गरेकामा  प्रथम पुरस्कार २० हजार रुपैयाँ थाहा ६ मा रहेको  ॐ अध्याय रिट्रीट बाट दोश्रो पुरस्कार १५ हजार  च्वाईस नेपाल संस्था बाट र सान्त्वना पुरस्कार ५ हजार पालुङ  भ्याली हार्ट एकेडेमीले प्रायोजन गरेका छन भने ट्रफी सौजन्य अर्जुन बस्नेत थाहा १० 
ब्यानर सौजन्य पालुङ बहुउद्देश्यिय सहकारी संस्थाले  गरेका छन । 
खेल जेष्ठ ९ गते बिहान ८ बजे देखी थाहा कभर्ड हलमा हुनेछ । खेलको आयोजक थाहा नगरपालीका रहेको छ भने ब्यवस्थापकिय जिम्वेवारी थाहानगर ब्याडमिन्टन संघ लिएको छ । त्यस्तै प्रतियोगिताको समन्वय फरक सोचले गर्नेछ ।