थाहा दर्शनलाई पालुङले फैल्याउनु पर्नेमा राष्ट्रिय सभा सदस्य रामनारायण बिडारीको जोड

राष्ट्रिय सभाका संसद तथा नेकपाका नेता राम नारायण बिडारीले रुपचन्द्रको आवरणको बर्णन गर्नु भन्दा रुपचन्द्रलाई अध्ययन गर्न आग्रह गर्नु भएको छ ।  विन्दावासिनी मिडिया प्रालिद्वारा सञ्चालित रेडियो थाहासञ्चार ९९.६ मेगाहर्ज हेटौंडाको वार्षिक उत्सवको अवसरमा हिजो थाहा नगरपालिकाको शिखरकोटमा भएको रुपचन्द्र विष्ट र थाहा आन्दोलनको मर्म विषयक अन्तरक्रिया कार्यक्रममा बोल्दै नेता विडारीले अहिलेका पुस्ताले रुपचन्द्रलाई अध्ययन गरि उहाँको दर्शनलाई अनुसरण गर्नुपर्ने बताउनु भयो ।  पदमा बस्नेले शत्ता र सक्तीको दुरुपयोग गरे देश विग्रन्छ भन्ने रुपचन्द्र विष्टको  उहिले भनाई के.पी. ओली सरकारको     अहिलेको काम सँग मिलेको भन्दै विडारीले सरकारको काम जनविरोधी रहेको पनि बताउनु भयो । रुपचन्द्र विष्टको आदर्शलाई अन्यत्र तोड मोड गरे पनि पालुङले जे हो त्यही मात्र भन्नु र बुझाउनु पर्ने बताउनु भयो । 

रुपचन्द्र विष्ट दिंवंगत भएको दिन आसार ७ गते थाहा नगर बिदा दिनु पर्ने धाराण राख्दै बिडारीले थाहा दर्शनलाई पाठ्यक्रममा समावेश गर्नु पर्ने बताउनु भयो । कार्यक्रममा थाहा नगरपालिकाका प्रमुख लवशेर विष्टले रुपचन्द्र विष्टको जीवनी तथा थाहा दर्शनलाई पाठ्यक्रममा समावेश गर्ने प्रक्रिया अगाडी बढाईसकेको बताउनु भयो । रुपचन्द्र विष्टको दर्शन र थाहा फैल्याउन नगरपालिकाले कुनै कसर बाँकी नराख्ने बताउनु भयो । कार्यक्रममा मन्तव्य राख्दै अरुणराज सुमाभर्गीले रुपचन्द्र विष्टको दर्शन भौतिक विज्ञान सँग  जाड्दै उहाँको जिवन दर्शन बारे चर्चा गर्नु भएको थियो । 

कार्यक्रममा थाहा नगरपालिकाका उप प्रमुख खड्ग गोपाली सहित जनप्रतिनिधी राजनितिक दलका नेता कार्यकर्ता ताथ थाहा अभियानका अभियानताहरुको सहभागिता थियो ।