थाहा गोल्डकप :- सेमिफाइनल समीकरण पुरा

थाहा नगरमा जारी थाहा गोल्ड कप फुटबल प्रतियोगिताको पाचौं संस्करणमा आज क्वाटरफाइनलका दुई खेलहरु भएका छन।
आज भएको पहिलो क्वाटर फाइनल खेल विनयबाबु स्मृति प्रतिष्ठान र सकृय युवा क्लब बिच भएको खेलमा सक्रिय युवा क्लवले  ३-१को जित निकाल्दै सेमिफाइनल प्रवेश गरेको छ।  खेलको  २१ औं मिनेटमा सकृय युवा क्लबका जर्सी नम्वर १७ का खेलाडी रुपक बिष्टले पहिलो गोल गरेर टिमलाई अग्रता दिलाएका थिए भने दोश्रो गोल सक्रियकै जर्सी नम्वर ९ का ज्याकी बलामीले पहिलो मध्याह्न अगाडी २७ औं मिनेटमा अर्को गोल गरेका थिए । मध्यान्तर पछी विनयबाबुका महेश तामाङले उत्कृष्ट कौशल प्रदर्शन गर्दै १ गोल गर्न सफल भएका थिए । त्यस पछि पनी उनैले लगातार दुई पटक धेरै राम्रो प्रयासहरु गरे पनि सकृयका गोलकिपरले उनको प्रयासलाई बिफल तुल्याएका थिए । 
खेलको चौथो तथा अन्तिम गोल सकृयकै ज्याकी बलामीले गरेका थिए । म्यान अफ दी म्याच पाउन पनि सफल रहे । अर्को अन्तिम क्वाटर फाइनल खेल ॠषेश्वर ११ र भिमफेदी एफसी बिच भएको थियो जसमा जर्सी नम्वर १० का सुनिल तामाङले गरेको गोलले  ॠषेश्वर ११ ले सेमि फाइनलमा प्रवेस पाएको छ । यो खेलमा ॠषेश्वर ११ का सुनिल तामाङले म्यान अफ दी म्याच पाउन सफल भएका थिए । 
भोली कुर्दन एकेडेमी चन्द्रागिरी बिरुद्द चित्लाङ खेलकुद बिकास समिती सकृय युवा क्लब थाहा चार बिरुद्द  ॠषेश्वर ११ बिच सेमिफाईनल खेलहरु हुनेछन । पहिलो खेल बिहान ८ बजे र दोश्रो खेल बिहान १० बजे हुनेछ । थाहा गोल्ड कपको दोश्रो पुरस्कार रुपैया एक लाखको प्रायोजन हेटौंडा स्कुल अफ म्यानेजमेन्टको रहेको छ भने शिल्ड तथा ट्रफीको सम्पुर्ण प्रायोजन पालुङ बहुउद्देश्यिय सहकारी संस्थाले गरेको छ । 
शिखर क्लबले ब्यवस्थापकिय जिम्वेवारी लिएको प्रतियोगीतालाई बजार ब्यवस्थापन समिती शिखरकोट, नव जागृत पुस्तकालय, फरक सोच, थाहा ब्याडमिन्टन संघ, पालुङ जेसीज लगायतका सस्थाले सहयोग गरिरहेका छन ।