थाहामा बिनयबाबु स्मृति जिल्ला स्तरीय भलिबल सुरु,(कुन कुन टिमले जिते आज?)

थाहा नगरमा आजबाट छैटौं विनयबाबु बस्नेत स्मृति जिल्ला स्तरीय रनिङ शिल्ड भलिबल प्रतियोगिता शुरु भएको छ । थाहा नगरपालिका वडा नम्वर २ को फाटबजार र सोल्टुको बिचमा रहेको खेल मैदानमा  प्रतियोगितामा सुरु भएको हो।
प्रतियोगिताको बागमती प्रदेश सामाजिक विकास मन्त्री कुमारी मोक्तानले उद्घाटन गर्नुभयो।
प्रतियोगिता उद्घाटन गर्दै मन्त्री मोक्तानले खेलाडी हरु देशका गहना भएकाले अनुशासित भएर खेल खेल्न आग्रह गर्दै प्रदेश सरकारले खेल र खेलाडिको हितमा हुनेगरि काम गरिरहेको बताउनुभयो।
प्रतिस्ठानका अध्यक्ष शंकर कार्कीको अध्यक्षतामा सम्पन्न उद्घाटन समारोहमा प्रमुख अतिथी मन्त्री कुमारी मोक्तान अतिथिहरु वडा न २ का अध्यक्ष बम बहादुर सिन्तान,वडा न ३ का अध्यक्ष हिरेन्द्र कुमार रायमाझी ,प्रतिस्ठानका संस्थापक बिजयबाबु बस्नेत,विनयबाबुका पिता बिष्णु बहादुर बस्नेत, थाहा नगर खेलकुद विकास समिती सदस्य यादव जंग रायमाझी ,जनकल्याण माबिका प्रधानाध्यापक सानोभाइ कार्की ,लगाएतका अतिथिहरुको उपस्तिथि रहेको थियो।
१७ वटा टिमले सहभागीता जनाएको प्रतियोगितामा आज भएको खेलमा ६ वटा टिमले जित हात पारेका छन। शनिबार भएको  उद्घाटन खेलमा आयोजकले  चम्पाकेश्वर लाई पराजित गरेको छ भने छहारी युवा क्लवले उन्युचौर आग्रा लाई पराजित गर्यो तेसैगरी थाहा ५ खेविसले शसक्त लाई,किङ्ग ब्रदर्स रुप्सेले सेभेन स्टार आग्रा लाई पराजित गर्दा साबिक बिजेता आमभन्ज्याङ युवा क्लवले युनिटी युवा क्लव लाई पराजित गरेको छ ।

कार्तिक २७ गतेसम्म सञ्चालन हुने प्रतियोगितामा प्रथम हुनेलाई नगद ५५ हजार ५ सय ५५ रुपैयाँ, द्वितीयलाई २८ हजार ८ सय ८८ रुपैयाँसहित शिल्ड, मेडल र प्रमाणपत्र प्रदान गरिने छ । प्रतियोगितामा उत्कृष्ट पाँच विधा अन्तर्गत उत्कृष्ट खेलाडी, उत्कृष्ट प्रशिक्षक, उत्कृष्ट डिफेन्डर, उत्कृष्ट स्पाइकर र उत्कृष्ट ब्लकरलाई नगदसहित मेडल प्रदान गरिने छ ।

प्रतियोगिताको हरेक खेलमा म्यान अफ द म्याच प्रदान गरिने छ । विनयबाबु बस्नेत स्मृति प्रतिष्ठानले आयोजना गरेको यो प्रतियोगिता छैठौँ हो । प्रतियोगिताको चौथो र पाचौँ संस्करणको उपाधी मकवानपुरगढी गाउँपालिकाले जितेको थियो । लगातार दुई वर्ष उपाधी चुमेको मकवानपुरगढीले यस वर्ष पनि उपाधी चुमेमा गढीले रनिङ शिल्ड पचाउने छ।