थाहानगरपालिका मा नागरिक आरोग्य सेवा केन्द्र को उदघाट्न

थाहानगरपालिका मा आज एक कार्यक्रम को बिच नागरिक आरोग्य सेवा केन्द्र को उदघाट्न भएको छ।
थाहानगरपालिका को बिकास घर मा आज थाहानगरपालिका प्रमुख लवसेर बिष्ट ले केन्द्र को उदघाट्न गर्नु भएको हो ।
नगर मै आरोग्य केन्द्र स्थापना भएपछि स्थानीय लाई सहजता पुग्ने बिश्वास गरिएको छ।
स्थानीय उत्पादन लाई प्रोत्साहन दिने हेतु ले  र स्थानीय स्तरमा उत्पादन हुने विभिन्न जडिबुटी हरु लाई प्रयोगमा ल्याउन को लागि र आयुर्वेदिक औषधि, योग, ध्यानलगायत क्रियाकलाप प्रति नागरिकको बढ्दो चासोलाई ध्यानमा राखेर थाहा नगरमाा नागरिक आरोग्य सेवा केन्द्र सञ्चालनमा ल्याइको हो । ‘कोरोना महामारीले एक पटक पुनः आयुर्वेद औषधिको सेवन तथा सेवा सुविधा बारे नागरिकमा धेरै उत्सुकता बढाएको बेला कोरोना संक्रमित अधिकांश नागरिकले रोग प्रतिरोधात्मक क्षमता बढाउन आयुर्वेद औषधिको प्रयोग गरेका छन् ।’ 
आयुर्वेदको महत्त्व विगतदेखि वर्तमानसम्म र भविष्यमा पनि उत्तिकै रहने भएकाले नागरिकको माग अनुरूप आरोग्य सेवा केन्द्र स्थापना गर्नुपरेको पनि प्रमुख विष्टले बताउनु भयो ।      नागरिक आरोग्य सेवा केन्द्र सञ्चालनमा आएसँगै सर्वसाधारण नागरिकलाई आयुर्वेदिक औषधिको महत्वबारे बुझ्न र यसको लाभ लिन अवसर जुट्ने भएकाले आरोग्य सेवा केन्द्रलाई सफल रूपमा सञ्चालन गर्न हाम्रो साथ र सहयोग सधै रहने प्रमुख विष्टले बताउनु भयो ।
कार्यक्रमा आरोग्य सेवा केन्द्र का  कर्मचारी हरु,नेकपा थाहानगर  का अध्यक्ष अरुण रायमाझी ,नेपालि काङ्ग्रेस का नगर सभापती योगेन्द्र मान श्रेष्ठ ,राप्रपा का  नगर अध्यक्ष हरेराम कार्की ,नेकपा बागमती प्रदेश सचिवालय सदस्य बिष्णु बिष्ट आदर्श , थाहानगरपालिका वडा न  ३ का वडा अध्यक्ष राजेश केसी ,वडा न ४ का वडा अध्यक्ष दिपक सिंह लामा,थाहानगरपालिका का प्रशासन साखा प्रमुख अजित घिमिरे ,स्वास्थ समयोजक मेघराज बलामि, नारायणी अञ्चल आयुर्वेदिक औषधालय का डाक्टर सृष्टि श्रेष्ठ ,आरोग्य सेवा केन्द्र का  कर्मचारी हरु,पत्रकार ,स्थानीय लगायत को उपस्थिति रहेको थियो।