थाहाको ऋषेश्वर परिसरमा छ्युमी झ्याङछुप गुम्बा पुर्ननिर्माण हुने, क्षेत्र बिकास समिती गठन गरेर एकीकृत क्षेत्रको बिकास गर्न ध्यानाकर्षण

थाहा नगरमा रहेका प्रख्यात ऋषेश्वर महादेव मन्दिर परिसरमा भत्किएको छ्युमी झ्याङछुप गुम्बा पुर्ननिर्माण हुने भएको छ । 
सिमभन्ज्याङ्ग स्थित प्रख्यात ऋषेश्वर महादेव मन्दिर परिसमा रहेको छ्युमी झ्याङछुप गुम्बा २०७२ सालको भू–कम्पमा भत्किएको थियो । 
गुम्बा पुर्ननिर्माणको लागि पुरातात्विक बिभागका लेखा प्रमुख राजन रेग्मी र पुन निर्माण प्राधिकरणका  उप सचिव  भगवान अर्यालले ऋषेश्वर परिसरमा स्थलग अनुगमन गर्दै गुम्बा निर्माणको निम्ति बजेट ब्यवस्था गर्न पहल गर्ने प्रतिबद्धता जनाए सँगै गुम्बा पुर्ननिर्माण हुने सुनिष्चितता बढको हो । 
पुरातत्व विभागर पुर्ननिर्माण प्राधिकरणले भुकम्पका कारण भत्किएका सम्पदा पुर्ननिर्माण गरिरहेकोले अब ऋषेश्वर परिसरमा पनि गरिने लेखा प्रमुख रेग्मीले बताउनु भयो । 
भुकम्प लगत्तै स्थानिय स्तरबाट पुर्ननिर्माणका लागि पहल नभएको कारण ढिला भए पनि अब आवश्यक पहल गर्ने पनि सहभागी टोलिले बताएको थियो । 
अनुगमनमा सहभागी थाहा नगरपालिकाका उप प्रमुख खड्ग गोपाली र वडा नं. ४ का वडा अध्यक्ष दिपक सिं लामाले ऋषेश्वर परिसरलाई महत्वका साथ हेरी सो क्षेत्रको संरक्षण संबर्धनमा आवश्वक सहयोग गर्न आग्राह गर्नु भएको थियो । 

टोलीमा सहभागी नेकपाका नेता तथा स्थानिय बिनोद लामाले थाहामा अन्य धेरै ठाउँमा पुन निर्माण प्राधिकरणबाट प्रसस्त बजेट आउदा सो गुम्बाको निम्ति हालसम्म कुनै सरकारी निकायले वास्ता नगरेकोमा दुख ब्यक्त गर्दै  हिन्दु तथा बौद्ध धर्मावलम्बीको आस्थाको केन्द्र रहेको ऋषेश्वर क्षेत्र धार्मिक तथा पर्यापर्यटनको प्रचुर सम्भावना रहेको रहे पनि  तत्काल क्षेत्र बिकास समिती गठन गरेर एकीकृत तवरले सो क्षेत्रको बिकास गर्न सरोकारवालाको ध्यानाकर्षण गराउनु भएको थियो ।