सहिद सुनिता गोपालीको सम्झनामा स्मृति सभा

थाहा नगरपालिकाका प्रमूख लवशेर विष्टले सहिद सुनिता गोपाली परिवर्तनको प्रेरणा भएको वताउनु भएको छ । थाहा नगरपालिकाको कुन्छालमा आज सहिद सुनिता स्मृति प्रतिष्ठानद्धारा आयोजना गरिएको  १९ औँ सुनिता स्मृति सभामा बोल्दै प्रमुख विष्टले सहिदहरुको सम्झनामा कार्यक्रम मात्रै हैन सहिद हरुले देखाएको बाटोमा सबैजना जिम्मेवार भएर लाग्न आह्वान पनि गर्नु भयो । 
विष्टले तत्कालिन समयमा संघर्षको क्रममा सहादत प्राप्त गर्नुभएकी सुनिता गोपालीले देशको लागि जीवन अर्पण गर्नुभएको र सुनिताले देखाएको बाटोमा सकारात्मक भई सबै सपना साकार पार्न लाग्नु पर्नेमा जोड दिनु भयो । 
सहिद सुनिता स्मृति प्रतिष्ठानका अध्यक्ष सुवर्ण गोपालीको सभाध्यक्षता भएको कार्यक्रममा नेकपा माओवादि केन्द्र बागमति प्रदेश कमिटि सचिवालय सदस्य विष्णु विष्ट आदर्शले सहिद सुनिताको योगदानको चर्चा गर्दै प्रतिष्ठानले आगामी दिनमा समाजिक विकासका सकारात्मक आयामहरु ल्याउनु पर्नेमा जोड दिनुभयो । 
कार्यक्रममा नेकपा माओवादी केन्द्र थाहा नगर ईन्चार्ज लक्ष्मण विष्ट, कमिटि अध्यक्ष अरुण रायमाझी, कुन्छाल होम स्टे व्यवस्थापन समितिका अध्यक्ष सानुकाजि गोपाली, सुनौला सामुदायिक सिकाई केन्द्रका अध्यक्ष रुपचन्द्र गोपाली, राजनैतिक दलका प्रतिनिधिहरु, निष्पक्ष युवा समूह अध्यक्ष सुमन गोपाली, कुन्छालफाँट टोल विकास संस्थाका अध्यक्ष निराजन गोपाली, लाली गुरांस महिला बहुउद्धेश्यीय सहकारी, कुन्छाल बचत तथा ऋण सहकारी संस्था लिं का पदाधिकारी, १ नं. वडा अध्यक्ष हेरमान गोपाली, सदस्य देवकी थोकर,  नेकपा माओवादि केन्द्र थाहा नगर कमिटि सचिवालय सदस्य विष्णु गोपाली, सदस्य निर्मल गोपाली, वाईसियल नेपाल जिल्ला आयोजक कमिटि सदस्य सुविन्द्र गोपाली, थाहा नगर कमिटि उपाध्यक्ष दिवाकर गोपाली लगायतको उपस्थिति रहेको थियो । कार्यक्रममा सहिद सुनिता गोपालीको आमा मैजु माया गोपालीलाई अभिनन्दन पत्रद्धारा सम्मान गरिएको छ ।