तितुङ समाजको बृहत राष्ट्रिय बृहत भेला मकवानपुरमा हुने

 चैत १ गते बसेको तितुङ बन्धुहरुको भेलाले नेपाल तामाङ तितुङ समाजको बृहत राष्ट्रिय भेला मकवानपुरको हेटौँडामा हुने भएको छ । नेपाल तामाङ घेदुङ मकवानपुर जिल्ला समितिका भूपू अध्यक्ष बुद्धरत्न लामाको अध्यक्षतामा भएको भेलाले राष्टिय (केन्द्रिय) स्तरको तितुङ संगठन निर्माण गर्ने उद्देश्यले चैत्र ११ गते बिहान ११ बजे हेटौँडा २ स्थित बनस्खण्डीमा अवस्थित सामुदायिक वनको भवनमा औपचारिकरुपमा बृहत राष्ट्रिय स्तरको भेला गर्ने निर्णय गरेको हो ।

हर्करत्न लामाको संयोजकत्वमा तितुङ बन्धु भेला आयोजक समितिको गठन गरिएको छ । संयोजक लामाले एक प्रेस विज्ञप्ति जारी गर्दै सबै तितुङ तामाङहरुलाई उक्त भेलामा सहभागी हुन आग्रह गरेका छन् । उक्त भेलाबाट एक समिति गठन गरि विधिवत विधान सहितको सम्बन्धित निकायमा ंगठन दर्ता गरी तितुङ वंशको सामाजिक, आर्थिक, राजनीतिक रुपान्तरणको लागि प्रयास गरिने बताइएको छ । संगठन निर्माण पश्चात वौद्ध परम्परा अनुसार गरिआएको लामा धमर्, संस्स्कृति विधि परम्परालाई समय अनुरुप व्यवस्थित गर्दै लैजाने, तितुङ वंश भित्रका परिवारलाई, आर्थिक रुपमा पछि परेकाहरुलाई सामुहिक रुपमा सहयोग गरि आर्थिक स्तरमा वृद्धि गर्न सहयोग पुरयाउने, हाल सम्म छरिएर रहेका तितुङ वंश भित्रका राजनीतिक, सामाजिक रुपमा अग्र पंतिmमा रहेका व्यतिहरुलाई संगठानिक रुपमा सहयोग, सद्भाव राख्ने बताइएको छ ।
 
नेपाल सरकारले सुचिकृत गरेका ५९ आदीबासी जनजाति मध्यमा पर्ने तामाङ जाति अर्थात तामाङ भित्र पर्ने विभिन्न थरहरु मध्ये तितुङ पनि एक हो । नेपालको संविधानले पनि सवै किसिमका समुह, जाती,वर्गलाई आ–आफनो हक हितको निमित्त संगठन निर्माण गरि संगाठानिक रुपमा अघि बढ्न अधिकार प्रधान गरि सकेको सन्दर्भमा तितुङ वंशले संगठन मार्फत सभ्य समाजको निर्माण तथा सामाजिक, आर्थिक, राजनितिक रुपमा सवल बनाउदै समृद्ध नेपाल सुखी नेपाली भन्ने नारालाई सार्थकता दिन सक्ने छ भन्ने कुरामा आफुहरु विश्वस्त रहेको गरेको छ ।

भेलाले समिति गठन गर्ने र  संगठनको नामाकरण गर्ने, विधान मस्यौदा समिति गठन गर्ने बताएका  छन  ।