डाँडाबासमा वडा स्तरीय पुरुष भलिबल प्रतियोगिता सुरु

कार्तिक २२ गते देखि थाहा नगरपालिकाको डाँडाबासमा अन्तर वडा मैत्रीपुर्ण पुरुष भलिबल प्रतियोगिता सुरु भएको छ।
सल्ले राम्चे युवा क्लबको आयोजना तथा हिमशिखर बचत तथा ऋण सहकारी संस्थाको सह आयोजना र वडा न ७ को मुख्य सहयोगमा प्रतियोगिता डाँडाबास फुटवल ग्राउन्डमा आज बाट सुरु भएको हो। २२ गते देखि २५ गतेसम्म संचालन हुने प्रतियोगिताको वडा न ७ का अध्यक्ष शिवराज थिङले उद्घाटन गरेका हुन।
थाहा र कैलाशको समेत २० टिमको सहभागिता रहेको प्रतियोगिता उद्घाटन समारोह प्रतियोगिताको संयोजक सुजिन्द्र गोलेको अध्यक्षता तथा वडा न ७ का अध्यक्ष शिवराज थिङको प्रमुख आतिथ्यता रहेको समारोहमा थाहा नगर खेलकुद विकास समितिका संयोजक टिकाराम स्याङ्तानको विशिष्ट आतिथ्यता रहेको थियो भने वडा न ३ का अध्यक्ष हिरेन्द्र कुमार रायमाझी,वडा न १ का कार्यवाहक अध्यक्ष सरोज प्रधान,वडा न ७ का वडा सदस्य देवेन्द्र थापा मगर,थाहा नगरपालिकाका रोजगार संयोजक कुमार नेगी,सुन्दरीदेवी माबिका प्रधानाध्यापक हरिकृष्ण कार्की,लगायतका उपस्तिथि रहेको थियो।

आज १० खेल सम्पन्न भएको छ ।पहिलो दिन भएको खेलमा आयोजक ए,थाहा ३,थाहा ५,थाहा २, ससक्त युवा क्लब,थाहा ४,थाहा १,आयोजक बि,चण्डेश्वरी र थाहा १० ले जित निकालेका छन।

थाहा नगरपालिका र कैलाश गाउँपालिकाको सम्बन्धित वडाको स्थायी बसोबास भएका खेलाडीले मात्र सहभागिता जनाउन पाउने प्रतियोगितामा प्रथम हुनेले ५१ हजार १ सय ५१,दोस्रो हुने टिमले ३१ हजार १ सय ३१ र तृतीय हुने टिमले १३ हजार १ सय १३ नगद सहित शिल्ड,मेडल र प्रमाणपत्र प्राप्त गर्ने छन।
प्रतियोगितामा उत्कृष्ट हुने खेलाडी र बिधागत तर्फ उत्कृष्ट हुने खेलाडिहरुलाई पनि नगद र शिल्ड प्रदान गरिने आयोजकले जनाएको छ।