चित्लाङ चन्द्रगिरी थानकोट सडक सेतो पहरा खण्डको फस्ट कटिङ्ग ब्रेक थ्रु 

मकवानपुर २ का संघिय सांसद तथा नेकपा मकवानपुरका ईन्चार्ज विरोध खतिवडाले चित्लाङ चन्द्रागिरी थानकोट गणेशमान मार्ग निर्धारित समयमै निर्माण सम्पन्न गर्न  निर्देशन दिनु भएको छ ।
 शनिबार सडक निर्माण स्थलको  अवलाेेकन गर्दै   खतिवडाले बजेट निरन्तरता र कानुनी जटिलता हटाउन आफु निरन्तर लागि पर्ने प्रतिवद्धता व्यक्त गर्दै निर्माणाधिन सडक थाहा नगर सँगै उत्तरी मकवानपुरको समृद्धी सँग जोडिएकाले सडक निर्माणमा सबैले सकारात्मक भुमिका खेल्न पनि आह्वान गर्नु भयो ।

नेता खतिवडाले सडक निर्माणमा सरोकार समिति बनाएर ६८ दिन देखि निरन्तर लागिरहेका स्थानियहरुको खबरदारीले सडकमा तिब्ररुपमा काम भईरहेको र छिटो  निर्माण सम्पन्न हुने प्रष्ट देखिएकाले स्थानियको सक्रियताको उच्च मुल्याङ्कन गर्दै प्रशंसा गर्नु हुर्दै अब पनि  निरन्तर लाग्न पनि आग्रह गर्नु भयो ।    
सोही क्रममा सडक निर्माणमा ६८ दिन देखि निरन्तर लागि रहनु भएका नेकपा नेता तथा पुर्व सभासद सुबास चन्द्र ठकुरीले सडक निर्माण चरण देखिनै लापरबाही हुदै धरै प्राबिधिक त्रुटी सच्याउदै निर्माण गर्नु पर्ने भएको बताउदै अब बनिरहेको सडक डिपीआर अनुसार १० मिटर चौडा र प्राविधिक दृष्टीकोणले पनि राम्रो बनिरहेको बताउनु भयो ।  
नेता ठकुरीले सोतो पहरा सम्मको ट्रयाक ब्रेक थ्रु भएको र अब सडक खन्दा निस्किएका ढुङ्गा सहितका वन पैदावारको   व्यवस्थापन तत्काल भए अबको ६ महिना भित्र सडकको ट्रयाक ओपन हुने  विश्वास रहेको बताउदै कानुनी उल्झन हटाउन पहलकदमी गर्न सारेकारवालाहरु सँग आग्रह गर्नु भयो । 

अनुगमनका क्रममा निर्माण प्रक्रिया शुरु भएको लामो समय वित्दा पनि विभिन्न बहानामा सडक निर्माणले पुर्णता नपाउदा थाहा नगर पछि परेको ईतिहास सम्झेर व्यक्तीगत र आपसी हठ त्यागेर  सडक निर्माणमा सबैले आ–आफ्नो स्थानबाट सहयोग गर्न स्थानियले आग्रह गरेका थिए ।   
 अनुगमनमा थाहा नगरपालिकाका प्रमुख लबशेर विष्ट,नेकपाका नेता विष्णु ढकाल,विष्णु विष्ट “आदर्श” थाहा नगरपालिका वडा नंं ९ र १० का वडा अध्यक्ष परशुराम श्रेष्ठ र हिरा ब. गमाल लगाएतको सहभागिता थियो ।