खुल्ला दौड प्रतियोगितामा पुरुष तर्फ विकास लो,र महिला तर्फ सुश्मा घलान विजयी

स्वस्थ मुटुको लागि दौड " भन्ने मुल नाराका साथ चैत ३० गते भएको  थाहा नगरपालिका स्तरिय खुल्ला महिला तथा पुरुष दौड प्रतियोगितामा पुरुष तर्फ थाहा ११ का विकास लो प्रथम भएका छन ।
लो ले निर्धारित दुरी २० मिनेट ५५ सेकेन्डमा पूरा गरे ।तेस्तै महिला तर्फ थाहा १२ कि सुस्मा घलान प्रथम हुन सफल भइन घलानले निर्धारित दुरी १४ मिनेट ४४ सेकेन्डमा पूरा गरेकी थिइन् ।
तेसै गरि पुरुष तर्फ निखिल बर्तौलाले निर्धारित दुरी २१ मिनेट १५ सेकेन्डमा पूरा गर्दै दोश्रो भए भने २१ मिनेट ३८ सेकेन्डमा निर्धारित दुरी पार गर्दै लवशेर घिसिङ तेश्रो भए ।
महिला तर्फ निर्धारित दुरी १५ मिनेट २१ सेकेन्डमा पूरा गर्दै सन्ध्या गोले दोश्रो र १५ मिनेट ३६ सेकेन्डमा दुरी पार गर्दै आशा तामाङ तेश्रो हुन सफल भए।
 २१ जना पुरुष तथा ११ जना महिलाको सहभागीता रहेको प्रतियोगिता थाहा नगर खेलकुद विकास समितिले आयोजना गरेको थियो भने फरक सोच र ल्याम्ह पुच मकवानपुरले संस्थागत सहयोग गरेको थियो।
प्रतियोगितामा प्रथम हुनेले नगद १२ हजार ,दोश्रो हुनेले ८ हजार र तेश्रो हुनेले नगद ५ हजार सहित शिल्ड मेडल र प्रमाणपत्र प्राप्त गरेका छन।
प्रतियोगितामा विजयी खेलाडिहरुलाई पुरस्कार वितरण समारोहमा थाहा नगरपालिकाका उपप्रमुख भरत गोपाली,थाहा नगर खेलकुद विकास समितिका संयोजक टिकाराम स्याङ्तान , वडा न १ का अध्यक्ष हेरमान गोपाली,३ का हिरेन्द्र रायमाझी ,४ का नारायण लामा,खेलकुद विकास समितिका सदस्य सचीव अनिल लामिछाने ,फरक सोचका संयोजक यादव जंग रायमाझी ,ल्याम्ह पुच: मकवानपुरका अध्यक्ष सुविन्द्रमान प्रधान लगायतका उपस्थिति रहेको थियो।