कुलेखानीमा मनाईयो, ल्होछार सास्कृतिक कार्यक्रम भाषा, धर्म, सस्कृति जगेर्ना गर्ने गरि सम्बोधन हुने कार्यक्रमहरु ल्याउछौ - अध्यक्ष पुडासैनी

 माघ, हेटौडा (ईन्द्रसरोबर) - कुलेखानीमा ल्होछार बिशेष बृहत सास्कृतिक सम्पन्न भएको छ । ईन्द्रसरोबर गाउँपालिका २ कुलेखानी स्थित टोड्के चौरमा कुलेखानी तामाङ समाजको आयोजनामा शनिबार तेस्रो ल्होछार बिशेष बृहत सास्कृतिक कार्यक्रम तथा शान्ति पुजा भव्यताका साथ सम्पन्न भएको हो । स्थानीय पर्यटन प्रबर्द्धनको लागि सास्कृतिक पर्ब ल्होछारलाई आ-आफ्नो घर आगनमा मनाउने उदेश्यले तय भएको कार्यक्रम समाजको अध्यक्ष बिरेन गोले तामाङको सभाध्यक्षतामा कार्यक्रममा ईन्द्रसरोबर गाउँपालिकाको अध्यक्ष देबकृष्ण पुडासैनीको प्रमुख आतिथ्यतामा भएको थियो। कार्यक्रमलाई सम्बोधन गर्नुहुँदै पालिका अध्यक्ष पुडासैनीले भाषा, धर्म, सस्कृति जगेर्ना गर्ने गरि पालिकाबाट सम्बोधन हुने कार्यक्रमहरु थप ल्याउने बताउनु भयो। समुदायलाई आयआर्जनको लागि तामाङ होम स्टेको योजना, पहिचान, भाषा, धर्म, सस्कृतिको संरक्षण लागि संग्रालय बनाउने लगायत विभिन्न कार्यक्रम ल्याउने समेत बताउनु भयो। समाजले अहिलेसम्म गरेका सामाजिक कार्य सह्रानीय रहेकोले पालिकाको पूर्ण सहयोग रहने उहाले भन्नुभयो । अब सबैको मागलाई सम्बोधन हुने गरि २ नम्बर वडामा मात्र नभई ५ वटै वडालाई सम्बोधन हुने गरी कार्यक्रम बढाउन आग्रह गर्नुभयो । ईन्द्रसरोबर गाउँपालिकाको मुख्य प्रायोजन तथा सिजी ब्रुअरी नेपालको सह-प्रायोजनमा भएको समाजको यो तेस्रो ल्होछार सम्बन्धिको सास्कृतिक कार्यक्रम हो । कार्यक्रमलाई सफल बनाउन तामाङ्ग समुदायमा ख्याती प्राप्त कलाकारहरु गायक तथा संगीतकार सन्जिब वाइबा, गायिका निर्मला घिसिङ, प्रकाश तितुङ, अशोक तामाङ, रबिन्द्र लामा र तबु वाईबा लगायतको सांगीतिक प्रस्तुतिमा दर्शकहरु झुमेका थिए । त्यस्तै पालिकाको ५ वटै वडाबाट नृत्य प्रस्तुत गरेका थिए । त्यस्तै, सोहि कार्यक्रममा सुचना, समाचार सम्प्रेषण गर्दै आएका तामसालिङ खबर डटकमका पत्रकार दिलबहादुर लामा र स्थानीय पत्रकार आशबहादुर लामालाई सम्मान पत्र मार्फत सम्मान गरिएको थियो । कार्यक्रममा ईन्द्रसरोबर गाउँपालिकाको उपाध्यक्ष उमाकुमारी लामा, निबर्तामान गाउँपालिका अध्यक्ष जीवन लामा, ३ नम्बर वडा अध्यक्ष प्रताप बोम्जन, ५ नम्बर वडा अध्यक्ष दुधराज तितुङ्ग, १ नम्बर वडा अध्यक्ष सुभास थापा मगर, नेपाल तामाङ्ग घेदुङ ईन्द्रसरोबर गाउँपालिका अध्यक्ष बिर्जुपदम लामा, ताम्बा बिज्ञ केशर रुम्बा, कार्यपालिका सदस्य सम्झना परिया, ईन्द्रसरोबर गाउँपालिका खेलकुद विकास समितिको अध्यक्ष रत्नबहादुर थापा मगर, २ को वडा सदस्य बुद्धिराम लामा लगायतको आतिथ्यता रहेको थियो। कार्यक्रम अबधिभर मौलिक खानाका परिकार सहित अन्य खानाको स्टल, तामाङ मौलिक भेषभुषा स्टल संगै झाँक्री (बोन्पो), डम्फुरेको झाकी समेत रहेको थियो । माघ महिना भरिनै हुने यस्ता ल्होछार सास्कृतिक कार्यक्रमले गाउँ ठाउमा आम तामाङ समुदायमा जागरण ल्याउने समाजले जनाएको छ ।