एमाले थाहा नगर उमेदवार छनौट :-आज टुंगोमा पुग्न नसकी सक्कियो छलफल ,भोलि फेरि बस्ने।

आशन्न स्थानीय निर्वाचनका लागि नेकपा एमाले थाहा नगरले आज प्रमुख र उपप्रमुखको उम्मेदवार टुङ्गो लगाउन सकेन ।                                            आज दिनभर एमाले पार्टी कार्यालयमा भएको छलफल सहमति बिनै सक्कियको छ।
केन्द्रीय सर्कुलर अनुसार उम्मेदवार सिफारिस गर्न आज आयोजित भेलामा प्रमुख पदका लागि ६ जना र उपप्रमुख पदमा ५ जनाको उम्मेदवारी परेपछि आन्तरिक छलफल गराइएको थियो । बेलुकी ७ बजेसम्म गरिएको आन्तरिक छलफलमा प्रमुख पदका आकांक्षीहरु कसैले पनि उम्मेदवारी फिर्ता लिएनन् । प्रमुख पदका लागि अच्युत्तम प्रसाद ढकाल, विमल कुमार ढकाल, शशीधर सुवेदी, बलराम थापा, सुरेन्द्रमान प्रधान र बिष्णु प्रसाद ढकालको उम्मेदवारी परेको थियो । 

यसैगरी उपप्रमुख पदका आकांक्षीमध्ये तुलसा विष्टले उम्मेदवारी फिर्ता लिएको बागमती प्रदेश सदस्य बरिना बलले जानकारी दिए । अब रिता सिं ठकुरी, चमेली वाइवा, सुनिता दोङ र कल्पना बलामीको उम्मेदवारी कायम छ । 

आज बेलुकीसम्मको छलफलले कुनै निष्कर्ष निकाल्न नसकेपछि भोलि बिहान ८ बजे पुन: छलफल हुने नगर उपसचिव सुजन कुमार रायमाझीले बताए।सहमतिको लागि एमाले जिल्ला नेता बलराम बल हिजो देखि नै थाहा नगर हुनुहुन्छ ।बलका अनुसार दिउँसभर सहमति को प्रयास भएपनी दावी गर्ने कसैले नाम फिर्ता नलिएपछि भोलि फेरि छलफलमा बस्ने गरि आजको छलफल सक्कियको बताउनुभयो।