उपभोक्ता भन्छन्– झ्याप–झ्याप विजुली जान थाल्यो, प्राधिकरण भन्छ– गत वर्ष भन्दा ट्रिपिङ घट्यो

सर्वसाधारण उपभोक्ताले पछिल्ला दिनमा जतिबेला पनि झ्याप–झ्याप विजुली जान गरेको बताई रहेका बेला नेपाल विद्युत प्राधिरणले भने लोडसेडिङ गर्दै नगरेको प्रतिक्रिया दिएको छ । 

अझ प्राधिकरणले गत वर्ष भन्दा बढि सुधार गरेका दावी गरेको छ । तर उपभोक्ताले भने गत वर्ष भन्दा यस वर्ष पटक पटक विजुली जाने गरेको गुनासो सामाजिक सञ्जालदेखि चिया पसलसम्म गर्ने क्रम बढेको छ । 

प्राधिकरणले उपभोक्तालाई गुणस्तरीय, भरपर्दो र पर्याप्त विद्युत् उपलब्ध गराउन प्रसारण तथा बितरण लाइन र सबस्टेसन सुदृढीकरणका लागि चालिएका कदमबाट विद्युत छिनछिनमा जाने ९ट्रिपिङ०को समस्या घट्दै गएको दावी गरेको छ । 

प्राधिकरणले विज्ञप्ती निकालेर विद्युतको माग सबैभन्दा बढी हुने काठमाडौं उपत्यकामा यस वर्षको मंसिरमा ३ सय ४७ पटक ट्रिपिङ भएको जनाएको छ । प्राधिकरणले काठमाडौं उपत्यका र यस आसपासका जिल्लामा विद्युत् आपूर्ति गर्ने १४ वटा सबस्टेसनमा ट्रिपिङ हुँदा २२ घण्टा  विद्युत अवरोध बताएको छ । 

जबकी गत वर्षको मंसिरमा ५ सय ७७ पटक ट्रिपिङ भई ६५ घण्टा विद्युत आपूर्ति बन्द भएको प्राधिकरणले दावी गरेको छ । 

प्रणालीमा माग अनुसार आपूर्तिका लागि पर्याप्त विद्युत रहेकाले घोषित–अघोषित रुपमा विद्युत विद्युत कटौती ९लोडसेडिङ० नगरिएको प्राधिकरणका कायम मुकायम ९कामु० कार्यकारी निर्देशक हितेन्द्रदेव शाक्यले बताएका छन् । 

उनले सडक तथा खानेपानी पाइप विस्तारका कारण भूमिगत केवलमा क्षति पुग्ने, केही स्थापनमा पोल तथा टान्सर्फमर सार्नु पर्र्नेलगायतका प्राविधिक कारणले त्यस आसपासका क्षेत्रमा केही समय विद्युत कटौती भएको हुनसक्ने बताएका छन् ।

गत वर्ष भदा कम ट्रिपिङ भएको छ तर किन उपभोक्ताले बढि विजुली गएको अनुभव गरेका छन त रु यसबारे शाक्यको भनाई यस्तो छ– ‘अहिलेसम्मको डाटा हेर्दा गत वर्षको पुसमाभन्दा यस वर्ष ट्रिपिङ कम भएको देखिन्छ, विगतमा चालिएका सुधारबाट यस वर्ष र यस वर्ष गरिएका कामबाट अर्को वर्ष नतिजा देखिन्छ ।’ 

‘प्रणालीमा आउने प्राविधिक गडबडीले केहीबेर झ्याप्प वत्ति जाँदैमा उपभोक्ताले त्यसलाई लोडसेडिङ गर्यो भन्ने बुझेर डराउनु पर्ने जरुरी नै छैन, प्रणालीमा पर्याप्त विद्युत् छ, लोडसेडिङ हाम्रो इतिहास बनिसकेको छ ।’ उनले थपे ।