उत्तरी मकवानपुरमा विद्युत अनियमित हुँदा सास्ती 
२० कि.मी लाईन ४ महिनामा पनि निर्माण भएन 

उत्तरी मकवानपुर क्षेत्रमा सार्वजनिक विदामा दिनभर लाईन जाने सूचना नियमित जस्तै आउँदा जनजिवन कष्टकर बनेको छ । विगत ४ महिना देखि उत्तरी मकवानपुरमा विद्युत मर्मतको बाहानामा प्राधिकरणले अनियमित रुपमा लाईन काट्दा जनजीबन कष्टकर बनेको हो । 
धोर्सिङ्ग देखि मार्खु सम्मको लाईनमा रहेको नाङ्गो तार हटाएर कालो तार राख्न काम शुरु गरेको ४ महिना विति सक्दा पनि ठेकेदारले काम नसक्दा र प्राधिकरणले काम गराउन नसक्दा जनता सास्ती बेहोर्न बाध्य भएका हुन् ।
 धोर्सिङ्ग देखि मार्खु सम्मको करिब २० कि.मी. लाईन निर्माणकार्य ४ महिनामा पनि नसक्नु कार्यालयको लापरर्बाही भएको स्थानियको आरोप छ । 
वैशाख महिनाभर दिन भर जस्तै र त्यस पछि सार्वजानिक विदा सहित अन्य दिनमा पनि दिन भर जसो लाईन काटिदा यस क्षेत्रका उद्योग व्यावसाय कलकारखाना लगाएत शिक्षण संस्था मारमा परेका छन् । 
शनिवार तथा सार्वजानिक विदाको दिन होटलमा दिनभर आन्तरिक र बाह्य पर्यटकले भरिने थाहा नगर र ईन्द्रसरोवर गाँउपालिकामा लाईन अनियमित हुँदा ईन्टरनेट समेत चलाउन नपाउने भएकाले तथा मनोरञ्जनको सामान चलाउन नपाउदा पर्यटक घटेको थाहा होटल एसोसियसनका अध्यक्ष शिवकुमार खत्रीले आक्रोश पोखे । 
लाईन अनियमित हुँदा जनजीवन रहित  विद्यालयका परिक्षा प्रभावित भएको भन्दै पाल्ुङ्ग मोडर्न स्कुलका प्रिन्सीपल मनोज रायमाझीले प्राधिकरणले ज्यादती गरेको र तत्काल विद्युत नियमित नगरे संघर्षमा उत्रने अवस्था आएको बताए । 
उत्तरी मकवानपुरमा सामान्य हावाहुरीमा वा पानी पर्दा सधैं जसो वत्ती अनियमित हुने र त्यसमा पनि प्रधिकरणले मर्मतका बाहानामा नियमित बत्ती काट्दा समस्या भएको गुनासो बढेको समस्या राख्दा पालुङ प्राधिकरणका प्रमुख विरमान रास्कोटीले ठेकेदार सँग दक्ष जनशक्ती नभएको र ठेकेदारले नियमित काम नगरेकाले समस्या आएको बताएका छन् । अझै मार्खु सम्म ५ पटक र विवादित ठाँउमा काम गर्न ४ पटक सटडाउन गर्नु पर्ने बताउदै उनले छिटो काम सक्न दवाव दिने पनि बताए । 
उता निर्माणको जिम्मा लिएको विडारी कन्स्ट्रक्सनले भने लाईन तान्न विवाद भएको ठाँउमा कार्यालयले विवाद नमिलाउदा काम नसकिएको आरोप लगाएको छ । 
उत्तरी मकवानपुरमा एक मात्र स्रोत धोर्सिङ्गको लाईन मात्र भएकाले वैशाख महिनामा कार्यालयमा भएको सर्बदलिय तथा सर्ब पक्षिय छलफलमा बिहान बेलुका मिलाएर लाईन काट्ने तथा छिटो काम सक्ने भने पनि प्राधिकरणले र ठेकेदारले हेपेर दिनहुँ जस्तो लाईन काटेको स्थानियको आरोप छ ।