नरिवलको पानी , राजमार्ग किनारमा फस्टाउँदो व्यवसाय 

हिजो आज नरिवलको पानी खाएर राजमार्ग किनारमा थकाइ मार्ने यात्रुको संख्या बढ्दै गए सँगै राजमार्गमा किनारमा एक वर्ष देखि नरिवलको पानी र उखुको रसको व्यापार गर्दै आएका  दिलिप गुप्ताको व्यपार पनि फस्टाएको छ । 
एक वर्ष अगाडी व्यपार शुरु गर्दै गर्दा राजमार्गमा गुडिरहेका गाडीलाई नरिवलको दाना देखाउदा देखाउदै हात गलेर थाक्ने २५ वर्षिय दिलिपको हिजो आज नरिवलको पानी दिएर हात थाक्छन । तर उनको त्यो थकाई कमाईले विर्साउछ । 
पुर्व पश्चिम राजमार्गको बारा जितपुर उपमहानगरपालिका २२ अन्तर्गत २ नं. पुल किनारमा नरिवलको पानी र उखुको रस बेच्न शुरु गरेका भारत बिहारका दिलिप गुप्ता अहिले सबैको प्रेरणा बनेका छन् । किनकी अहिले उनको कामको सिको गरि त्यस क्षेत्रमा सोही प्रकृतिका पसल बढ्न थालेका छन् ।

राजमार्गमा यात्राका क्रममा थकाई र प्यास मेटाउन यात्रुको गन्तव्य बनेको उक्त पसलमा आउने हरु भन्छन नरिवलको पानीको स्वाद लिन भारतको गोवा किन जानु ? 
पुर्व–पश्चिम राजमार्ग आसपासका नलिवलको पानी बेच्ने पसलमा अहिले नरिवल भारत बाट आँउछ । उखु भने ६ महिना नेपालमै उपलब्ध हुने व्यावसायीको भनाई छ । तराईका जिल्लाहरुमा फाटफुट नरिवल भए पनि नरिवलको व्यावसायिक खेति छैन तर अब खेति गर्न भने हौस्याएको छ । 
के छ नरिवलको पानीको फाईदा ?
नरिवलको पानी मानव स्वास्थ्यका लागि निकै लाभदायक मानिन्छ । अझ पुरुषभन्दा महिलाका लागि नरिवलको पानी फाइदाजनक मानिन्छ ।
विशेषगरी, गर्भवती महिलाका लागि नरिवलको पानी उपयोगी सिद्ध भएको छ । नरिवलको पानीमा हुने विभिन्न प्रकारका लवण, भिटामिन ‘सी’लगायतका तत्त्व गर्भवती महिला र गर्भको भ्रुणलाई निकै उपयोगी हुन्छ । नरिवलको पानी नियमित पिउने महिलामा मूत्रनलीको संक्रमणको खतरा पनि कम हुन्छ ।

•  शरीरमा पानीको कमीले माइग्रेन वा टाउको दुखाइ हुन सक्छ । यस्तो अवस्थामा नरिवलको पानीले शरीरमा इलेक्ट्रोलाइट आपूर्ति गरेर पानीको स्तरलाई समेत बढाउँछ र टाउको दुखाइमा कमी हुन्छ ।
• पिसाब पोल्ने, शरीरमा पानीको कमी अर्थात् डिहाइड्रेसन ९शरीरमा पानीको मात्रा कम हुने०े समस्याबाट मुक्ति पाउन नरिवलको पानी उपयुक्त मानिन्छ ।
•  नरिवलको पानी उच्च रक्तचाप नियन्त्रणमा सहयोगी हुन्छ । यसमा भएका भिटामिन ‘सी’, पोटासियम र म्याग्नेसियमले उच्च रक्तचाप नियन्त्रण गर्न सहयोग गर्छ ।
•  नरिवलको पानीले तौल घटाउन सहयोग गर्छ । यसमा कम मात्रामा क्यालोरी हुनाले यो सजिलै पच्छ ।
•  नरिवलको पानी छाला वा सुन्दरताका लागि निकै प्रभावकारी मानिन्छ । साथै नरिवलको पानी बेलुका अनुहारमा लगाएर सुत्ने र बिहान उठेर सफा गर्नाले अनुहारको दाग हराउँदै जान्छ । साथै कपालमा चम्काउन र दह्रो बनाउन पनि नरिवल पानी उपयोगी हुन्छ ।
•  पिसाब पोल्ने समस्या छ भने त्यसबाट मुक्ति पाउन नरिवलको पानी पिउनु उत्तम उपाय मानिन्छ ।
•  मिर्गौलाको पत्थरी, कालोपोतो, डन्डिफोर र आँखाको कालो घेरो ९डार्क सर्कल० हटाउन पनि नरिवलको पानी उपयोगी मानिन्छ ।
•  नरिवलको पानीले गर्भवती महिलामा बिहानपख हुने बान्ता रोक्न सहयोग गर्छ ।